Қарағанды қаласының білім бөлімі Қарағанды қаласының ІІБ әкімшілік полиция бөлімімен бірлесе отырып, 2014 жылғы 21-22 сәуірде №16 және №74 орта мектептерде жол қозғалысы жас инспекторларының қалалық байқауын өткізді.
Байқау балалар жол-көлік жарақаттануының алдын алу жөніндегі жұмысын арттыру, жол ережесін нақты сақтау қажеттілігіне балалардың назарын аудару, балалардың жолда жүру мәдениетін қалыптастыру мақсаттарында ұйымдастырылды. Биылғы оқу жылында аталған қалалық байқауға 51 мектептің жас инспекторларының жасақтары қатысты. Жас инспекторлар жолда жүру ережелерінің білімпаздары, эрудиттер, санитарлар байқауларында үздік білімдерін, саптық және велосипедпен жүру байқауларында жоғары дайындықтарын, сонымен қатар Қарағанды қаласының 80 жылдығына және «Автоорындық - балаларға!» атты тақырыбына арналған үгітбригадалар және басқа да байқауларда көрсете білді.
Екі күн бойы өткен байқаудың қорытындысы бойынша жүлделі орындарға жас инспекторлар жасақтары ие болды: Қазыбек би атындағы ауданының білім ұйымдары арасында - №101 мектеп-лицей (1 орын), №15 орта мектеп (2 орын), №59 орта мектеп (3 орын); Октябрь ауданының білім ұйымдары арасында - №95 гимназия (1 орын), №54 орта мектеп (2 орын), №33 орта мектеп (3 орын). Сонымен қатар жеке номинацияларда жеңімпаздар анықталды: «Жол ережелерінің үздік білгірі» - Шелихов Г. (№16 ОМ), Рогожинский К. (№74 ОМ); «Үздік білімпаз» - Лебедева В. (№3 гимназия), Колбай Д. (№82 ОМ); «Үздік санитар» - Аликова А. (№101 МЛ), Краскова А. (№4 мектеп-интернат); «Үздік реттеуші» - Бокбасарова Д. (№100 ОМ), Мусаханов Б. (№4 мектеп-интернат); «Үздік велосипедші» - Зулпыхар А. (№93 гимназия), Ничипоренко Д. (№95 гимназия). Жеңімпаздар грамотамен және бағалы сыйлықтармен марапатталды.
Қалалық байқауда 1 орынға ие болған №101 мектеп-лицейдің және №95 гимназияның жас инспекторлар жасақтары ағымдағы жылғы мамыр айында облыстық байқауға Қарағанды қаласының атынан қатысатын болады.
