Қарағанды қаласы білім бөлімінің бастамасымен қалалық ішкі істер жөніндегі басқармасының қолдауымен 2014 жылдың 17 сәуірінде №9 гимназияда және Ю.Н. Павлов атындағы №35 орта мектебінде балалар жол-көліктік жарақаттануды және құқық бұзушылықтың алдын алу айлығы аясында құқықтық лекториялар ұйымдастырылды.
Лекторияларға 10 білім беру ұйымының 6-8 сынып оқушылары, әлеуметтік педагогтар мен мұғалімдер, Қарағанды қаласының ІІБ полиция бөлімдерінің ювеналды полицияның инспекторлары қатысты.
Кездесулерде оқушыларға олардың құқықтары мен міндеттері туралы айтылып, Қазақстан Республикасы Заңдарының негізгі баптары бойынша түсініктеме берілді және балалар мен жасөспірімдер арасында жол жарақаттануды және құқық бұзушылықтың алдын алу бойынша бейнетұсаукесерлер және бейнероликтер көрсетілді.
Сонымен қатар, ісшаралар барысында оқушылар да сөз алып, биылғы оқу жылы өткізілген «Құқықтық сақшы» қалалық байқауында жүлделі орындарға ие болған мектептердегі полицияға қолғабыс етуші үздік жасақтарының мүшелері үгіткөріністерін көрсетті.
Құқықтық лекторияларды ұйымдастыру бойынша жұмыс жалғастырылады.
Байланыс телефондары
