Қарағандыда жас музыканттардың 48-ші Республикалық фестивалі аяқталды

Қазақстан Республикасы Білім және ғылым министрлігінің Республикалық қосымша білім беру оқу-әдістемелік орталығы музыкалық дарынды білім алушылар мен талантты шығармашыл ұжымдарды анықтау және оларға қолдау көрсету, олардың шығармашылық белсенділіктері мен кәсіби бағдарын ынталандыру мақсатында 2014 жылғы 26-29 наурыз аралығында Қарағанды қаласында балалар музыка мектептері мен өнер мектептерінде білім алушы-жас музыканттардың 48-ші Республикалық фестиваль-конкурсын өткізді.
Конкурс білім алушылардың эстетикалық, ізгілік және патриоттық сезімдерін тәрбиелеу, балалардың әр түрлі музыкалық аспаптарда орындауын насихаттау, музыканы орындаудың ұжымдық түрлерін дамыту және жетілдіру, білім алушыларды тәрбиелеуде, оқытуда және бала тұлғасын шығармашылық дамытуда балалар музыка мен өнер мектептерінің рөлін арттыру, педагогтар мен ұжымдар арасында тәжірибе алмастыруына ықпал етуге бағытталған.
Жас музыканттардың 48-ші Республикалық конкурсына республикадағы балалар музыка мектептері мен өнер мектептеріндегі ішекті-ысқылы, үрлемелі және соқпалы аспаптар сыныптарында білім алатын жас музыканттар, республиканың барлық өңірінен солистер және ансамбльдер, барлығы 500-ден астам балалар мен педагогтар қатысты.
Республикалық конкурсы Қарағанды қаласының мамандандырылған музыка мектеп-интернатында және № 2 өнер мектебінде өткізілді.
Үш күн бойы жас дарындар өз бақтарын сынап, ең үздіктері дипломдармен және бағалы сыйлықтармен марапатталды. Республикалық конкурса өздерінің жоғары кәсіби дайындықтарын және шығармашылық қабілеттерін жас қарағандылықтар көрсете білді. Жүлделі орындарға ие болғандар: Бас жүлде - Тугнушпаева А. (№1 БММ), Абильдин А. (№2 БММ); 1 дәреже - Мырзабаев Ч. (№2 БММ), Канашкина М. (№1 ӨМ), №1 БММ скрипкашылар ансамблі, №1 ӨМ «Вдохновение» сыбызғышылар ансамблі; 2 дәреже - Тлегенова М. (№1 БММ), Радецкая Э. (№2 ӨМ), Гулевская П. (№4 БММ), Джинчарадзе Е. (№1 ӨМ), Стефанович П. (№1 ӨМ); 3 дәреже - Жуков Е. (№1 ӨМ).
Білім бөлімі оқушыларды және педагогтарды жеңістерімен құттықтайды және қаланың мектептен тыс ұйымдарының ұжымдарына жас музыканттардың 48-ші Республикалық фестивалі-конкурсын ұйымдастыруға және өткізуге ат салысқаны үшін алғыс білдіреді.