Қарағанды қаласы білім бөлімінің бастамасымен Қарағанды қаласының 80 жылдығын мерекелеу аясында 2014 жылдың 28 наурызында №9 гимназияда білім беру ұйымдарының оқушылары арасында туған өлкесінің тарихын зерттеу арқылы өскелең ұрпаққа патриоттық тәрбие беру мәселесіне арналған қалалық пікірталас турнирі өткізілді.
Қалалық турнир оқушылардың белсенді азаматтық ұстанымын қалыптастыру, олардың көшбасшылық және шешендік қабілеттерін дамыту, сонымен қатар мектептегі пікірталас ойындарын жандандыру мақсатында ұйымдастырылды.
Турнирге 34 команда (қазақ лигасының 17 командасы, орыс лигасының 17 командасы) қатысып, оларға талқылау үшін «Қарағандыға-республикалық деңгейдегі мәртебе» және «Бұл палата Қарағанды қаласы ономастикасының жетілдірген механизмін ұсынады» атты тақырыптар берілді.
Қатысушыларды қазылар алқасының мүшелері, оның құрамындағы қалалық білім бөлімінің мамандары, Қарағанды экономикалық университетінің студенттері - дебат клубының мүшелері, білім ұйымдарының тарих пәні бойынша мұғалімдері бағалады.
Дебат турнирдің қорытындысы бойынша жүлделі орындарға ие болған командалар анықталды: қазақ лигасы - «Сұңқар» №61 ОМ (Бас жүлде), «Самрұқ» №36 ОМ (1 орын), «Әділет 7» №41 ОМ (2 орын), «Алаш» №57 МЛ (3 орын); орыс лигасы - №1 гимназия (Бас жүлде), «Лидер» №9 гимназия (1 орын), «Девятый вал» №9 гимназия (2 орын), «Нирвана» №97 гимназия (3 орын). Турнирдің үздік спикерлері ретінде Сайлау А., №41 ОМ (қазақ лигасы); Жұманбаев С., №30 ОМ (орыс лигасы) атанды. Жеңімпаз командалар және үздік спикерлер Қарағанды қаласы білім бөлімінің грамотасымен және естелік сыйлықтармен марапатталды.
