Оқушылардың арасында рухани-адамгершілік және отбасылық құндылықтарды насихаттау, ұрпақ сабақтастығын нығайту, сонымен қатар педагог әйелдерді, педагогикалық еңбек ардагерлерді құттықтау үшін Халықаралық әйелдер күні қарсаңында 2014 жылдың 05 наурызында балалар мен жеткіншектер Сарайында «Арулар-асыл жандар» атты салтанатты ісшараны білім бөлімі өткізді.
Салтанатты ісшараға қалалық білім бөлімінің мамандары, педагогикалық еңбек ардагерлері, қала мектептерінің директорлары және олардың орынбасарлары, білім беру ұйымдарының педагогтары қатысты.
Мереке барысында әйелдерді Қарағанды қаласы білім бөлімінің басшысы Д.Ш. Жекебаев құттықтап, оларға Қарағанды қаласы әкімінің Құрмет грамотасын және Алғыс хаттар, қалалық білім бөлімінің Құрмет грамотасын және Алғыс хаттар табыстады.
Өздерінің музыкалық құттықтауларымен мерекеде балалар мен жеткіншектер Сарайының «Волшебная страна» үлгілі би ансамблі, «Бозторгай» вокал студиясы, №2 өнер мектебінің «Арт Soumd» және «Балкерей» дуэттері, Тәттімбет атындағы колледждің «Ізбасар» тобы, сонымен қатар театрализация қойылымын көрсеткен №41 ОМ педагогтары және қала мектептері мұғалімдердің вокал тобы бөлісті.
Сонымен қатар, әйел-педагогтарды «Батыр», «Алпамыс», «Бақыт» балабақшаларының тәрбиенушілері және қала мектептерінің оқушылары құттықтады.
Қарағанды қаласының білім бөлімі аяулы әріптестерді Халықаралық әйелдер күнімен құттықтайды және зор денсаулық, мол бақыт, отбасылық береке мен табыс тілейді!
