Қарағанды қаласының 80 жылдығын мерекелеу аясында №101 мектеп-лицейде «Атамекен» білім залының және атақты күйші-композитор Тәттімбет Қазанғапұлының атындағы тарихи-этнографиялық мұражайдың ашылуы өткізілді.
Ашылудың салтанатты рәсіміне ардагерлердің қалалық Кеңесінің төрағасы, Тәттімбет атындағы қазақ халық аспаптарының Қарағанды академиялық оркестрінің басшылығы, педагогикалық еңбек ардагерлері, облыстық мәдениет басқармасының, қалалық білім бөлімінің мамандары, қала мектептерінің директорлары қатысты.
«Атамекен» білім залының экспозициясында еліміздің ірі әкімшілік, өнеркәсіптік және мәдени орталығы-сүйікті Қарағанды қаласының тарихы, сонымен қатар мектеп-лицей оқушыларының жетістіктері ұсынылған. Тәттімбет атындағы мұражайдың экспозициясы «Тәттімбеттің өмірбаяны», «Тәттімбеттің шығармашылығы», «Тәттімбет туралы ес», «Қазақ ауылы» атты бөлімдерінен құрылған. Мұражайдың қорына облыстық мұрағаттан және облыстық тарихи-өлкетану мұражайынан алынған фотолар мен мұрағат құжаттарының көшірмелері, сонымен бірге Тәттімбет атындағы колледжінің және Тәттімбет атындағы қазақ халық аспаптарының Қарағанды академиялық оркестрінің қызметкерлері ұсынған фотолар, баспалардан алынған мақалалар және басқа материалдар жинақталған. Тәттімбеттің скульптурасы мұражай үшін Қазақстанның еңбек сіңірген суретшісі, Қазақстанның суретшілер Одағының мүшесі М.С. Аманбаев орындады, ал Тәттімбеттің суреті мектеп-лицейдің мұғалімі, суретші С.К. Нұрмағанбетов салды. Сонымен қатар, мұражайдың экспозициясында мектеп-лицейдің оқушылары жасаған қазақ халқының қолданбалы өнерінің үлгілері, тұрмыстың заттар, ұлттық киімдер, сәндік-қолданбалы өнерінің макеттері ұсынылды.
Зал мен мұражай мектептің оқу-тәрбие үдерісінің ажыратылмайтын бөлімі болып, өскелең ұрпаққа рухани-адамгершілік және патриоттық тәрбие беруге бағытталған маңызды мақсаттарды одан әрі тиімді іске асыруға септігін тигізетіні сөзсіз.
