Қарағанды қаласының 80 жылдығын мерекелеу аясында қалалық білім бөлімінің бастамасымен 2014 жылдың 20-21 ақпан аралығында №57 мектеп-лицей, №82 орта мектеп негізінде «Құқықтық сақшы-2014» атты мектептердегі полицияға қолғабыс етуші шұғыл жасақтарының арасында қалалық байқау өткізілді.
Байқау оқушыларға құқықтық тәрбие беру, олардың арасында құқық бұзушылықтың алдын алу, сонымен қатар, полицияға қолғабыс етуші шұғыл жасақтардың жұмысын арттыру мақсатында ұйымдастырылды.
Байқауға 59 білім беру ұйымы қатысып, өздерінің үгіт көріністерінде құқық бұзушылықтың алдын алу бойынша атқарылып жатқан жасақтың жұмысы туралы баяндап берді.
Қатысушылардың көріністерін қазылар алқасы, оның ішінде қалалық білім бөлімінің мамандары, Қарағанды қаласы ішкі істер Басқармасының қызметкерлері, ювеналды полиция тобының бас инспекторлары бағалады.
Үгіт сайыстың қорытындысы бойынша жүлделі орындарға ие болғандар: 1 орын - №101мектеп-лицей, №77 МББК; 2 орын - №57 мектеп-лицей, №9 гимназия, №68 МББК; 3 орын - №97 гимназия, №59 ОМ, №35 ОМ, №36 ОМ, №17 ОМ.
Байқаудың жеңімпаздары Қарағанды қаласы білім бөлімінің грамотасымен және бағалы сыйлықтармен марапатталды.
