Қарағанды қаласы білім бөлімінің бастамасымен 2014 жылғы 14 ақпанда балалар мен жеткіншектер Сарайында «Мен-азаматпын» атты әлеуметтік жобаларының және «Алғырлар» атты ғылыми жобаларының жеңімпаздарын марапаттау рәсімі өткізілді.
Аталған байқаулар оқушылардың зерттеу қабілеттерін дамыту, қаланың және аймақтың әлеуметтік маңызы бар мәселелерін зерттеу барысында оқушылардың белсенді азаматтық ұстанымдарын қалыптастыру, оқушы жастардың бастамаларын қолдау, сонымен қатар оқушылардың патриоттық сезімдерін және өз елінің болашағы үшін жауапкершілікті қалыптастыру мақсатында жыл сайын ұйымдастырылады. «Алғырлар» байқауының басты мақсаты - профилді пәнді оқу барысында оқушылардың интеллектуалдық дамуын және функционалдық сауаттылығын қамтамасыз ету болып табылады.
Биылғы оқу жылында Қарағанды қаласының 80 жылдығын мерекелеу аясында өткен «Мен-азаматпын» байқауы «Қарағандыға - үлгілі тәртіп, жоғары мәдениет!» тақырыбына арналды. Байқауға 58 білім беру ұйымдарының командалары қатысты, олардың ішінде 7 үздік болып, Қарағанды қаласы білім бөлімінің грамотасымен және бағалы сыйлықтармен марапатталды (1 орын - №16 ОМ, №68 МББК; 2 орын - №86 ОМ, №17 ОМ; 3 орын - №78 ОМ, №95 мектеп-гимназия, №20 ОМ).
Ісшара барысында «Үздік қалаға-үздік идеялар!» тақырыбына арналған «Алғырлар» байқауының үздік ғылыми жобаларының авторлары да марапатталады. Байқауға ұсынылған 37 жобаның ішінде үздік болып атанған жобалардың авторлары Қарағанды қаласы білім бөлімінің грамотасымен және бағалы сыйлықтармен марапатталды: №97 гимназия - А. Мирханова және Д. Дурова; №18 ОМ - А. Адамова; №53 мектеп-лицей - Н. Лазаренко; №23 ОМ - К. Жумабеков; №2 лицей - Патакин Н. и Малькив Р.
Ісшара жеңімпаздарын және қатысушыларды Қарағанды қаласы білім бөлімінің басшысы Д.Ш. Жекебаев, педагогикалық еңбек ардагерлері Н.И. Хван, С.С. Қонтаев құттықтады.
Сонымен қатар, ісшара барысында өз музыкалық құттықтауларын балалар мен жеткіншектер Сарайының «Волшебная страна» үлгілі хореографиялық ансамблі, «Бозторғай» вокал студиясының әншілері, республикалық шығармашылық байқауларының жеңімпазы Мауиянов Медет және «Қуаныш» балабақшасы мен №33 МББК шағын орталығының тәрбиенушілері табыс етті.
