Қарағанды қаласының 80 жылдығын мерекелеу аясында теміржолшылар мәдениет Сарайында 2014 жылдың 05 ақпанында Сұрыптау кентіндегі балалар мен жеткіншектер Сарайы бөлімшесінің туған күніне арналған мерекелік концерттік бағдарлама ұйымдастырылды.
Бөлімше Қарағанды қаласы әкімдігінің қолдауымен қала Күні қарсанында былтырғы жылы ашылған болатын. Қазіргі уақытта бөлімшеде 400-ден астам балалар мен жеткіншектер қамтылған әртүрлі бағыттар бойынша 13 үйірме жұмыс істейді. Сонымен қатар, бөлімшеге отбасылық оқу-білім беру кешенінің дамыту топтарында оқитын 100-ден астам мектепке дейінгі балалар қатысып жүр.
Салтанатты ісшараның қатысушылары: оның ішінде, балалар мен жеткіншектер Сарайының тәрбиенушілері мен педагогтары, ата-аналар, Қарағанды қаласы білім бөлімінің, «Сарыарқа дарыны» оқу-әдістемелік орталығының мамандары және шақырылған қонақтар үшін бөлімшеде қызықты экскурсия ұйымдастырылды. Экскурсия барысында бейнелеу өнерінің «Веселый карандаш» атты бейнелеу өнері және дизайн «Асыл мұра» атты үйірмелеріне қатысып жүрген балалардың шығармашылық жұмыстарының көрмесі, бөлімшеде өткен ісшараралардың фотокөрмесі және т.б. тамашаланды.
Мерекелік концертік бағдарламаға бөлімшедегі барлық үйірмелердің, анық айтқанда «Балдаурен» домбыра, «Куба» брейк-данс, «Назқоңыр» вокалды-эстрадалық, «Гармония» вокалды-хор үйірмелерінің, сонымен қатар «Ассорти» хореографиялық, «Стиль және сән» үйірмесінің және отбасылық оқу-білім беру кешені топтарында оқитын балалар қатысты.
Салтанатты ісшара мерекелік от шашумен аяқталды.
