Қарағанды қаласының 80-жылдық мерейтойына орай, 2014ж.29 қаңтар, сағат 15:00 –де , Солнечная көшесі, 2-а, № 2 Өнер мектебінде Білім беру ісінің үздігі, педагогикалық ғылымдарының кандидаты (1995) тарих, қоғамтану, дене тәрбиесі пәндерінің мұғалімі Константина Александрович Гейнцтің 75 жасқа толу толған құрметіне және педагогикалық қызметінің 50 жылдық мерейтойына арналған шығармашылық кеші болды.
Өз еңбек жолын 1962 жылы Қарағанды қаласындағы №73 ЖББОМ –те дене тәрбиесі пәнінің мұғалімі болудан бастады.
К.А. Гейнц 20 жылдан астам уақыт Қарағанды облысы білім беру қызметкерлерінің білімін жетілдіру институтында қызмет жасады. Қарағанды қаласы мектептерінде жаңашыл мектептерді, қала мектептері базасында эксперименттік («Кадет сыныптары», «Валеологиялық мектеп және т.б.») Ресурстық орталықтарды ашуға мұрындық болды. 1998ж Қарағанды қаласы білім беру бөлімі жанынан Білім дамыту Орталығының моделін жасап, оны өзі басқарды. 2002-2003ж.ж. «Мектепалды» жобасы әзірленіп, ЮНЕСКО мен ҚР БҒМ ГРАНТЫНА ие болды.Сонымен қатар, Қала, облыс мұғалімдеріне арнап 50-ден астам әдістемелік құралдар мен ұсыныстар әзірледі.(«Білім беру ұйымдарында кәсіптік білім беру моделі», «Мектептерде қашықтықтан оқытуды ұйымдастыру» т.б.) «Қарағанды облысындағы 6-16 жастағы балалардың белсенді дене қозғалыстарын дамытуды бағалау» бойынша зерттеу жүргізді. Қарағанды қаласында алғашқы рет интернет-форум, қалалық ғылыми-практикалық интернет-конференция өткізу авторы.
Шығармашылық кешке құрметті қонақтар- республикалық, облыстық, қалалық білім беру салаларының, қалалық әкімшіліктің өкілдері, жоғарғы білім беру мекемелерінің, қаланың білім беру ұйымдарының басшылары, әріптестері, достары шақырылды.
Ісшараны ұйымдастырушы Қарағанды қаласының білім беру мекемесі.
