Қарағанды қаласы білім бөлімінің бастамасымен 2014 жылғы 22-23 ақпан аралығында №16 және 17 орта мектептерінде білім беру ұйымдары оқушыларының «Мен-азаматпын» атты дәстүрлі қалалық әлеуметтік жобалар байқауы өткізілді. Биылғы оқу жылында аталған байқау «Қарағандыға - үлгілі тәртіп, жоғары мәдениет!» тақырыбына арналды.
Байқау оқушылардың зерттеу қабілеттерін дамыту, қаланың әлеуметтік маңызы бар мәселелерін зерттеу барысында оқушылардың белсенді азаматтық ұстанымдарын қалыптастыру, сонымен қатар оқушы жастардың бастамаларын қолдау мақсатында ұйымдастырылды.
Байқау кезінде 58 білім ұйымдарының оқушылары қазылар алқасына түрлі тақырыптық бағыттарда әлеуметтік жобаларды ұсынды. Олар қаланы абаттандыру, Қарағандыда жаңа әлеуметті маңызы бар объектілерді салу, волонтерлер қозғалысын дамыту және басқа тақырыптарды қамтыды.
Байқаудың қорытындысы бойынша жүлделі орындарға ие болғандар: 1 орын - №16 ОМ, №68 МББК; 2 орын - №86 ОМ, №17 ОМ; 3 орын - №78 ОМ, №95 мектеп-гимназия, №20 ОМ.
Байланыс телефондары
