Қарағанды қаласының 80- жылдығы мерейтойына арналған «Менің сүйікті қалам - Қарағанды» атты көркемөнерпаздар байқауы.

         2014 жылдың 20-24 қаңтар айында Қарағанды қаласы білім бөлімінің ұйымдастыруымен өткен Қарағандының  80-жылдығы мерейтойына арналған  «Менің сүйікті қалам - Қарағанды» атты көркемөнерпаздар байқауына  мектепке дейінгі ұйымдардың, шағын-орталықтар және мектеп алды даярлық топтардың тәрбиеленушілері қатысты. Бекітілген кесте  бойынша «Гауһар», «Балақай», «Батыр», «Балдырған» балабақшалары 670 бүлдіршіндерін қарсы алды. Осы байқауға қатысушылар  өз өнерлерімен, Қарағандыға арналған әндерімен, билерін,қалаға деген сүйіспеншіліктерін дәлелдейтін қойылымдарымен   көрермендерді таң қалдырды.  Қазылар алқасы: білім бөлімінің әдіскерлері және білікті ән жетікшілері бүлдіршіндердің өнерлерін тамашалап,әділ бағалады. Байқаудың жеңімпаздарын 2014 жылы 6 ақпанда Балалар және  жасөспірімдер сарайында өтетін  үлкен Гала-концерттік бағдарламаға қатысып, білім бөлімінің грамоталарымен, сертификаттарымен және сыйлықтарымен марапатталады.