Білім сапасы мен ҰБТ қорытындысы -бұл мектеп жұмысының негізгі көрсеткіші. Сондықтанда ІІІ тоқсан басында осы сұрақтарға білім ұйымдарының басшыларының баса назары аударылды. Білім бөлімінің бастамасымен білім ұйымдарының басшыларының екі жиналысы өткізілді: 9 қаңтарда №23 ОМ базасында, 15 қаңтарда №93 гимназия базасында. Жиналыстарда екінші тоқсан қорытындысы мен сынақ тестілеудің қорытындылары қарастырылды. 2 тоқсандағы білім сапасы 44,8 %, үлгерім – 99,8 % болды. 1 тоқсанмен салыстырмалы түрде білім сапасы 2,4%, үлгерім 0,2% артты. Бірінші тоқсан қорытындысымен салыстырғанда үздік оқушылар саны 357 оқушыға арттып екінші тоқсанда 4118 оқушы болды, алайда былтырғы оқу жылының қорытындысымен салыстырғанда 1958 оқушыға кем. Үздік оқушылар саны 1 сыныптан 2 сыныпқа көшкенде-389 оқушыға және 4 сыныптан 5 сыныпқа көшкенде -431 оқушыға азаяды.
Білім ұйымы басшыларының жиналыстарында бірнеше дүркін 5 сыныптардағы білім сапасы бастауыш сынып қорытындысымен салыстырғанда күрт төмендейтіндігі қарастырылған болатын. 1-ші тоқсан қорытындысы бойынша 15% төмендесе, екінші тоқсан қорытындысы бойынша 11% төмендеген. Бұл көрсеткіштер көп мектептерде бейімделу үдерісі әлі жалғасын тауып жатқандығын көрсетеді.
Сонымен бірге жиналыста мемлекеттік бюджет қаражатына өткізілген үш сынақ тестілеудің салыстырмалы талдауы жасалды. 26 желтоқсанда өткізілген тестіде 11 сынып оқушыларының 93% қатысып, орташа балл-74,4 болды. 101 балдан жоғары 117 (6%) оқушы, 143 (7,4%) оқушы қажетті деңгейден төмен балл жинады.
11 қаңтарда ҚарМТУ базасында «Алтын белгі» үміткерлеріне, үздіктер мен екпінділерге сынақ тестісі өткізілді. Орташа балл – 81.
Орташа балл динамикасы оң көрсеткіш көрсетсе де, қанағаттанарлықсыз бағалар орын алды, сонымен бірге математика, Қазақстан тарихы пәндерінен орташа балл төмен көрсеткіште болды.
Жиналыс соңында білім сапасын және ҰБТ қорытындысын көтеруге бағыттарлған іс-шаралар белгіленді.
