Халық ән мерекесі

Қарағанды қаласы білім бөлімінің қолдауымен №1 балалар музыка мектебі 2013 жылғы 10 желтоқсанда балалар музыка мектебінің және өнер мектебінің оқушылары арасында домбырамен ән айту бойынша «Дәстүрлі әнге құрмет, бізге міндет» атты бірінші қалалық байқау өткізді.
Аталған ісшара халық әндерін орындауды насихаттау, оқушы жастарды домбыра тарту өнеріне баулу, сонымен қатар оқушылардың шығармашылық қабілеттерін дамыту және қолдау мақсатында ұйымдастырылды.
Байқауға кіші және орта жастағы категорияларда өнерлерін көрсеткен 30 астам оқушы қатысты. Байқаудың қорытындысы бойынша кіші жастағы топта жүлделі орынға ие болғандар: Мукушева А., №3 БММ (1 орын); Жусупов Р., дарынды балаларға арналған обыстық мектеп-интернат; Әмірбек А., Қарқаралы қ. өнер мектебі (2 орын); Саятқызы Д., №1 БММ, Балтабай Ә., №1 БММ (3 орын). Орта жастағы топта жүлделі орындарды келесі оқушылар иеленді: Серкебаева Т., Қарқаралы қ. өнер мектебі (1 орын); Төлеуғазин Б., №3 БММ; Әбіл Ұ., Ақтоғай ауданының өнер мектебі (2 орын); Салина А., Қ.Аманжолов атындағы БММ; Нығмет С., Абай ауданының БММ; Артықбай А., №3 БММ (3 орын).