Қарағанды қаласы білім бөлімінің бастамасымен балалар мен жеткіншектер Сарайында 2013 жылғы 1 желтоқсанында қала мектептерінің 100 оқушысын «Жас Ұлан» бірыңғай республикалық балалар мен жеткіншектер ұйымының қатарына салтанатты қабылдау өткізілді. Салтанатты ісшара Қазақстан Республикасының Тұңғыш Президенті Күніне арналды.
Елбасы бастамасымен құрылған «Жас Ұлан» БЖҰ қатарына оқушыларды қабылдаудың басты мақсаттары өскелең ұрпаққа патриоттық тәрбие беру, балалардың қоғамдық, танымдық және шығармашылық белсенділіктерін арттыру, сонымен қатар оқушы жастардың әлеуметтік маңызы бар бастамаларын іске асыру болып табылады. Қазіргі уақытта қала бойынша «жасұландықтардың» қатарында 10 мыңға жуық оқушы бар.
Ісшара барысында жас белсенділер ұйымның салтанатты антын қабылдап, ал мектеп педагогтары және еңбек ардагерлері балаларға көк түсті галстуктерді салтанатты түрде тақты.
Қабылдауда өз құттықтауларымен көптеген республикалық, халықаралық байқаулардың және фестивальдардың жеңімпаздары - балалар мен жеткіншектер Сарайының «Бөзторғай» вокал студиясы, «Шолпан» үлгілі би ансамблі және республикалық шығармашылық байқаулардың жеңімпазы Мауиянов Медет бөлісті. Салтанатты ісшара соңында оқушыларға еліміздегі ұлтаралық келісім мен бірлік тақырыбына арналған «Ұлы мақсат жолында» атты фильм көрсетілді.
Байланыс телефондары
