Қарағанды қаласының білім бөлімі сіздерді Білім күнімен және жаңа 2013-2014 оқу жылының басталуымен шын жүректен құттықтайды!
Білім әлеміндегі дәстүрлі мерекенің бастысы, асыға күтетін мейрам - алғашқы қоңырау мерекесі. 1 қыркүйек күні таңғажайып білім әлеміне деген ізденісі мен құштарлығы бар әр балаға барлық білім ұйымдарының есігі ашық. Жаңа көзқарас, жасампаз жаңашылдықтың дәуірінде тек қана интеллектуалды дамыған білімді, тәлімді шәкірт жоғарғы кәсіби биіктерге жете алады. Өнегелі ұстаздан өрелі шәкірт шығатыны белгілі. Себебі ұстаз қаншалықты қабілетті болса, оқушы да соншалықты талапты болмақ.
Қымбатты әріптестер! Сіздердің жүздеріңізден қуаныш, бақытты күлкі кетпесін, ал жүректеріңізде тек мейірім мен шапағат ұяласын. Жаңа оқу жылы әрқайсыңыз үшін бақытты және қызықты болсын! Барлықтарыңызға жетістік, мықты денсаулық, шығармашылық табыс тілейміз!
Мерекелеріңізбен!
