Қалалық жаппай спорттық ісшараларының жоспарына сәйкес 2013 жылғы 18 тамызда қаланың білім беру ұйымдары Қазақстан Республикасының Спорт Күнін мерекелеуге белсенді қатысты.
22 қала мектептерінде көпфункционалды хоккей корттарының салтанатты ашылуы өткізіліп, педагогтар, оқушылар және ата-аналардың қатысуымен спорттық ісшаралар ұйымдастырылды.
Сонымен қатар, спорттық сайыстар 18 тамызда «Салют» балалар сауықтыру орталығында өткізілді. Қазіргі уақытта орталықта 200-ге жуық балалар демалуда. Орталықта оқушылар үшін футбол, волейбол және пионербол бойынша сайыстар, спорттық ойындар және жеңіл атлетикадан эстафета ұйымдастырылды. Қазақстан Республикасының Спорт Күні «Салют» орталығында ағымдағы жылдың 12-18 тамыз аралығында өткен «Салют-2013» шағын олимпиада ойындарының қорытындысын шығару бойынша салтанатты ісшара өтті.
Қала мектептерінің педагогтары және оқушылары Қазақстан Республикасының Спорт Күні аясында өткізілген «Спорт достық» атты қалалық акцияға және Республикалық жаттығуға қатысты.
