«Салют» орталығында Астана күні аталып өтілді
Астананың 15 жылдығын мерекелеу күні 2013 жылғы 06 шілдеде «Салют» балалар сауықтыру орталығында «Астана - ару қала!» ұранымен мерекелік ісшаралар өтті.
300 астам балаларға арналған мерекелік бағдарлама салтанатты жиыннан бастылып, әртүрлі тақырыптық, оның ішінде шығармашылық, спортттық, ойын станцияларында жалғасты.
Балалар Астанаға арналған суреттер мен ұсақ-түйектерді жасау байқаулырына, футбол және волейболдан өткен спорттық сайыстарға қатысты. Балалар мен тәрбиешілер арқан тарту ойынына аса қызығушылықпен қатысты. Сонымен қатар, балаларға патриоттық тәрбие беру мақсатында оларға қазақ халқының дәстүрлері ұсынылып, «Қара жорға» биінің ортақ орындалуымен аяқталды.
Мереке қорытындысы бойынша орталықта балалардың үздік суреттері мен ұсақ-түйектер көрмесі ұйымдастырылды.
