Отаным - тәуелсіз Қазақстан
Қарағанды қаласының білім бөлімі 2012 жылдың 13 желтоқсанында балалар мен жеткіншектер Сарайында Қазақстан Республикасының Тәуелсіздік күніне арналған мерекелік гала-концерт өткізіледі.
Іс-шара Тәуелсіздік жылдары ішіндегі мемлекетіміздің жетістіктерін насихаттау, оқушыларға патриоттық тәрбие беру, сонымен қатар балалардың шығармашылық қабілеттерін дамыту мақсатында ұйымдастырылады.
Гала-концерт барысында қалының білім ұйымдарынан 60 астам оқушылар «Жас Ұлан» бірыңғай балалар мен жеткіншектер ұйымының қатарына қабылданды. Оқушылар салтанатты ант айтқан соң, оларға шақырылған қонақтар: білім саласының ардагерлері, қалалық Қамқоршылық кеңесінің өкілдері, мектеп вожатылар көкшіл галстуктерді байлады. Сонымен қатар, іс-шарада қалалық байқаулардың, олардың ішінде: би өнерінің белгілі қайраткері Шара Жиенқұлованың 100-жылдығына арналған қазақ биі байқауының, «Жас Сұңқар» жыл сайынғы патриоттық әндердің фестиваль-конкурсының, «Гүлдене бер, менің Қазақстаным!» атты қалалық шығармашылық байқауының жеңімпаздарын және жүлдегерлерін марапаттау рәсімі өткізілді. Аталған қалалық байқаулардың жеңімпаздары және Гран-при иегерлері: «Арнау», «Шаттық», «Аяла» ансамбльдері, сонымен қатар №74 ОМ оқушысы Өменова Ақпейіл, №38 гимназияның дуэті және №95 мектеп-гимназияның хоры өнерлерімен бөлісті.
Білім бөлімі барша қарағандылықтарды мемлекетіміздің басты мерекесі - Қазақстан Республикасының Тәуелсіздік күнімен құттықтайды! Әр шаңыраққа бақыт пен береке тілейміз! Сүйікті Отанымыз - Қазақстан Республикасы көркейіп, нығая берсін!
