Тұңғыш Президент туралы жастарға
Қазақстан Республикасының Тұңғыш Президенті Күнін мерекелеу қарсаңында 2012 жылғы 29 қарашада №101 мектеп-лицейде Қарағанды қаласының әкімі М.А. Смағұлов қала жастарымен кездесті.
Кездесу еліміздің маңызды жетістіктеріне және Қазақстан Республикасының Тұңғыш Президенті Н.Ә. Назарбаевтың мемлекет дамуындағы рөліне арналды.
Қала әкімі М.А. Смағұловпен әңгімелесу барысында Елбасының өмірбаяны мен еңбек жолының маңызды оқиғалары, Қазақстанның әлемдік аренадағы жетістіктер талқыланды. №101 мектеп-лицейдің оқушылары биылғы оқу жылы мектепте ашылған Қазақстан Республикасының Тұңғыш Президенті Залының ашылу тарихы мен мақсаттылығы туралы баяндады. Еліміздің Тұңғыш Президентінің бастамасымен құрылған «Жас Ұлан» бірыңғай балалар мен жасөспірімдер ұйымының жұмысы туралы ақпаратпен №9 гимназияның оқушылары бөлісті. Сонымен қатар, кездесуге «Қазақстан студенттерінің Альянсі», «Жас Отан», «Жас Орда» жастар ұйымдарының көшбасшылары, жоғары оқу орындарының студенттері белсене қатысты.
Іс-шара соңында кездесуге қатысқандардың назарына Қазақстан Республикасының Тұңғыш Президенті Күнімен мұғалімдер мен оқушылардың құттықтаулары жазылған бейнеролик ұсынылды.
