Қазақстан Республикасының Тұңғыш Президенті Күнін мерекелеу қарсаңында 2012 жылғы 21 қарашада №61 орта мектептің 5-11 сынып оқушылары «Барыс» аула клубымен бірлесіп, 2011 жылы Тәуелсіздіктің 20-жалдағына арнайы ашылған Қазақстан Республикасының Тұңғыш Президенті, Ұлт Көшбасшысы Н.Ә. Назарбаевтың тарихи-мәдени Орталығына барды.
Экускурсия барысында Орталықтың экскурсоводтары оқушыларға Елбасының балалық шағы мен жастық кезі, достары мен серіктес әріптестері, сонымен қатар тәуелсіз Қазақстанның маңызды жетістіктері туралы баяндап берді. Оқушылар үлкен қызығушылықпен түрлі құжаттармен, ескі фотосуреттермен, миниатюра түрінде ұсынылған зауыт пен фабрикалардың макеттерімен және де басқа экспонаттармен танысты.
Экскурсия соңында оқушылармен Қазақстан тарихына арналған танымдық ойын-викторина өткізілді.
