2012 жылғы 17 қазанда жалпы білім беретін мектептердің 11 сынып оқушылары арасында математика, физика, химия және биология пәндерінен V Президенттік олимпиада өтті.
Олимпиада дәстүр бойынша «№2 лицей» КММ өткізілді. Оған Қарағанды қаласының 37 білім ұйымынан 11 сыныптардың 161 оқушысы қатысты. Олимпиаданың әр қатысушысы 2 турдан өтті.
І турда оқушыларға 4 пән – математика, физика, биология, химия бойынша 60 тесттік тапсырмаларды орындау ұсынылды. ІІ турға 8 тапсырма енгізілген, әр пәннен 2 тапсырмадан. Олимпиада тапсырмаларын орындауға 4 астрономиялық сағат берілген болатын.
Олимпиада нәтижесімен
осында танысуға болады.
Ең көп балл жинаған және Президенттік олимпиаданың ІІ іріктеу облыстық кезеңіне өткен № 2 лицейдің, № 1,9,38,97 гимназиялардың, № 53,101 мектеп-лицейлердің, № 81,74 орта мектептердің оқушыларын құттықтаймыз.
