Құрметті ата-ана! Сіздің хабарламаңызға орай гимназия төмендегідей жайды мәлімдейді: «Оқытудағы Кембридж тәсілінің теориялық негіздерін» оқытудағы үш денгейлік курстардың ұйымдастырылуына байланысты І деңгей бағдарламасын меңгеру мақсатында жоғары санатты мұғалімдер жіберу керек болғандықтан, ҚББ –нің сұранысына сәйкес, гимназия директорының бұйрығымен 2А сынып мұғалімі А.М.Акмағанбетованы 3 айлық курсына жіберген болатынбыз. Осы кезеңінде орнына арнаулы жоғары білімі бар маман, І санатты бастауыш сынып мұғалімі Н.Бертіс алмастырған еді. Облыстық оқу-әдістемелік орталықтың ұсынысымен «№92 гимназия» КММ «Өзін - өзі тану» рухани-адамгершілік білім бағдарламасы бойынша эксперименттік жұмыс жүргізуде. Осы орайда гимназия ұстаздарының басым көпшілігі арнаулы білім жетілдіру курсынан өтті. А.М.Акмаганбетованың бастауыш сынып мұғалімі, бастауыш сыныптар кафедрасының жетекшісі ретінде келесі білім жетілдіру курсына бару да сол себепті. Осы кезеңінде орнына арнаулы жоғары білімі бар маман, І санатты, Оқытудағы Кембридж тәсілінің теориялық негіздерін» оқытудағы үш денгейлік курстардың ұйымдастырылуына байланысты І деңгей бағдарламасы курсын бітірген Б.Қанапия алмастырды. Ал сабақ берген студент-практиканттар туралы мәлімдесек, Гимназия әкімшілігінің Қарағанды гуманитарлық колледжімен арасындағы арнаулы келісім-шартөа байланысты, студент-практиканттар белгілі бір кестеге сай сабақ беріп, іс-тәжірибеден өтеді. Олар сол кестеге сай сабақ береді, ал журналға бағаны сынып мұғалімі ғана қояды. Сондықтан, балаңыздың білімін мамандар ғана бағалады. Ал Сіздің балаңыздың білімін маман мұғалімдер бағалағандықтан, көңіліңіздегі кейбір түйткілдер туралы сынып мұғалімімен, педагог-психолог мамандармен сөйлесіп анықтау қажеттілігі туындап отыр. Сіз баланың аты-жөнін толық көрсетпегендіктен, ол жұмысты нақты жүргізу мүмкін емес.
