№ 42 мектеп тарихы

1912 жыл

     Ауылда мектеп болмағандықтан, тұрғындардың өтініштерімен балаларды Ткачёва Евдокия Матвеевна оқытты. Мұғалімде 20 бала оқыды. Мұғалім оларды үстелдер мен сәкілерге отырғызды. Өздері қолдан тақта істеп, қара бояумен бояд. Тақтаға ақ сазбен жазды. Оқулықтар ол кезде мүлде болмағандықтан, Евдокия Матвеевна өз білгенін балаларға үйретті. Дәптерлер мен қарындаштар ол кезде тек арман болды. Олар қағаз қиындысына жазды, газет табылса олар өздерін бақыттымын деп есептеді. Ол кезде сияның орнына күемен жазды. Балалар тек қыста ғана оқитын. Ал қалған жыл мезгілдерінде олар ересектермен бірге егістік далаға шығып, шөп щапты, күзде егін жинауға көмектесті. 1923 жылы Писклов Иван Иванович мектеп тұрғызуды бастады. Қазіргі Сурикова көшесіндегі 86-үй сол кездегі мектептің орнына салынған. 1925 жылы мектеп өзінің алғашқы оқушыларын қабылдады. 1927 жылы жаңа мектеп ғимаратының құрылысын бастауға шешім қабылданды. Ол ғимарат Д.Бедного 65-үйде орналасқан. Қазіргі таңда "№42 Негізгі мектебі" КММ-нің ғимараты. Тұрғындардың айтуына қарағанда 1925 жылы алғашқы мұғалім  Коузов Анатолий Николаевич болды.