№27 ЖББОМ жанындағы шағын орталығы Қарағанды облысы, Қарағанды қаласының Қазыбек би ауданының, Сатыбалдин көшесі 24 үйде орналасқан, телефоны 77-00-99 .
Шағын орталыққа мектеп директоры Даупбаева Клара Төкенқызы басшылық жасайды.
Шағын орталық қалалық білім беру бөлімінің 13.09. 2011 ж. №717 бұйрығымен ашылып, ісөәрекеті 2011 жылы қазанның төртінші жұлдызында бастаған. Шағын орталық 75 бала арналған. Шағын орталықта 3 топ жұмыс істейді, бұнда екі топта балалар мемлекеттік тілде, бір топта орыс тілінде оқытып, тәрбиеленеді.
Шағын орталық №27 ЖББОМ мектептің типтік ғимаратында орналасқан, барлық жобалық талаптарға сай. Ыстық, суық сумен қамтамассыз етілген, жылу, кәріз талаптарға сай. Шағын орталық 10,5 сағат күн тәртібінде, аптаның бес күні жұмыс істейді.
Шағын орталық қатты,жұмсақ,шаруашылық заттармен қамтамассыз етілген. Материалдық -техникалық базасы балалармен оқу тәрбие және сауықтыру шараларын өткізу бойынша талаптарға сай. Барлық топ жаңа жиһазбен қамтамассыздандырылған. Орталықта медициналық кабинет, асхана, кір жууға арналған бөлме, музыка залы дене шынықтыру залымен бірге жасалған.
Шағын орталықтың іс -әрекеті мыналарға бағытталған:
Балалардың ауру- сырқауының алдын алу үшін сауықтыру- емдеу шараларын қамтамассыз ету,әрбір тәрбиеленушінің өмірі мен денсаулығын қорғау; Мектеп жасына дейінгі оқыту мен тәрбиелеудің негізгі міндеттерін іске асыру; Қазақстандық патриотизм және азаматтық негізін қалыптастыру, мемлекеттік рәміздерге құрмет, халықтық дәстүрлерді құрметтеу; Отбасылық тәрбие беруде ата- аналарға көмек беру, бірге жұмыс істеу; Материалдық- техникалық базасын және педагогикалық процессті үнемі жетілдіріп отыру.
Шағын орталық іс- әрекетте және басқаруда төмендегі нормативтік- құқықтық құжаттарды басшылыққа алады:
ҚР «Білім туралы» Заңы; ҚР Конституциясы; ҚР Еңбек кодексі; «Қазақстан Республикасының тілдер туралы» ҚР Заңы; «ҚР Мемлекеттік жалпы білім беру Стандарты»; «ҚР мектепке дейінгі білім беру қызметінің типтік ережелері»; «Бала құқығы туралы Конвенция»; «Қазақстан Республикасының бала құқығы туралы» ҚР заңы; «Қазақстан Республикасында білім беруді дамытудың 2011-2020 жылдарға арналған Мемлекеттік Бағдарламасының мектепке дейінгі білім беру және оқыту».
Медициналық блок барлық керекті заттармен жабдықталған. Топтарда тымау ауруына қарсы «Оксалинді мазді» қолдану, пияз, сарымсақ жеу практикасы еңгізілген. Қабылдау бөлмесінде таңертеңгі қабылдауға медициналық бұрыш жасалған.
Шағын орталықта балалардың өмірін сақтау және қорғау бойынша жақсы жағдай жасалған. Пайдалы және тиімді тамақтандыруға көп көңіл бөлінеді.
Тамақтандыруды ұйымдастыру принциптері:
үнемі (таңертеңгі ас, түскі ас,кешкі ас); әртүрлілігі; тамақ нормасының сақталуы; тамақ гигиенасы, тамақтану барысында балалармен жекелей жұмыстар; әкімшілік пен медицина қызметкерінің тарапынан күнделікті бақылануы; күнделікті ас мәзірінде азық-түлікті пайдалануда; құрамында микроэлементтер бар(йодталған тұз және т.б), бифидобактериялар, дәрумендер және тағамды қорытуда қызмет атқаратын (жемістер, көкөністер, салаттар), өсімдік клетчаткалары; күнделікті үшінші тағамға С дәруменін қосып отыру міндетті.
Шағын орталық білім беруді іске асыруда :
Типтік бағдарламаларын басшылыққа алады. Оқу жоспары аптаның бес күндік күн тәртібіне негізделіп жасалған. Білім берудің бес саласы «Денсаулық», «Таным», «Шығармашылық», «Әлеуметтік орта», «Коммуникация» бойынша жас ерекшелігіне байланысты оқу жоспары жасалады. Оқу жоспарынан әр топтың жас ерекшелігіне байланысты сабақ кестесі құрылады. Педагогтардың тақырыптық жоспары, ұйымдастырылған оқу қызметі конспектісі және циклограммасы мектеп жасына дейінгі балалардың жас ерекшелігін ескере отырып жасалады.
