Мектеп кітапханасының негізгі мақсаты оқушыларды оқулықпен және  оқу-әдістемелік құралдармен қамтамасыз ету. Жаңа оқу жылы жаңартылған білім мазмұнына сәйкес 4,9,10 сынып оқушыларына жаңа оқулықтар таратылып,100% оқулықтармен қамтамасыз етілді.Мектеп  кітапханасының жылдық жоспары жасалды.Кітапхананың жұмыс күнделігі толтырылды.

     А.Байтұрсынұлының туған күніне орай  кітап көрмесі ұйымдастырылды.

Мектеп оқушылары Абай атындағы кітапхананың  ұйымдастыруымен өткізген  «Н.Әбдіров балалар шығармашылығында» атты шараға қатысты

«Буккросинг »жобасы бойынша «Ұлы дала мұрагерлері» республикалық форумның қалалық кезеңіне қатысты

«Балада да көңіл бар» шығармашылық көрмеге қатысты

Тұңғыш Президент күніне орай кітапханалық бұрыш ұйымдастырылды

Республикамыз тәуелсіздігінің 28 жылдығына арналып 1 «А» сынып оқушыларын «Тәуелсіздік – тұғырым, Қазақстан – жүрегім» атты кітапханалық сабақ өткізілді.Сынып жетекшісі Бейсенбиева Нурила.

2020 жылдың 10-қаңтар күні «Ж.Бектұров атындағы Қарағанды облыстық жасөспірімдер кітапханасының» балаларға қызмет көрсету бөлімінде Қазақстанның халық жазушысы, балалар ақыны Қадыр Мырза Әлінің 85 жылдық мерей тойына арналған «Өлеңнің тау тұлғасы – Қадыр ақын» тақырыбында әдеби дастархан  өткізілді.

Осы іс-шараға Аман Жанғожин және Сүйіндік Жанысбай қатысты.Оқушылар кеш қонақтарына сұрақтар беріп, сұрақтарына тыңғылықты жауап алды.

10 ақпан  күні Облыстық өлкетану мұражайында Қарағанды қаласының 86 жылдығына  арналған «Өлке тұлғалары »  атты кітапханалық тележобасы  мәдени іс-шарасы өткізілді.Шараға 9 сынып оқушылары қатысты.Оқушылар қала жайында көптеген мәліметтер  алып, ұлы тұлғалар пікірін тыңдады.

Қарағанды облысының мәдениет,архивтер және құжаттама басқармасының «Ж.Бектұров атындағы облыстық жасөспірімдер кітапханасы» КММ 13 ақпан күні мемлекет және қоғам қайраткері Нығмет Нұрмақовтың 125 жылдығына арналған «Заңғар тұлға» атты дөңгелек үстел өткізді.Шараға мектеп оқушылары қатысты.

Адам бойындағы асыл қасиеттердің бірі- мейірімділік туралы жан- жақты ой қозғау  мақсатында «Мейірімділік-халқымыздың ұлы қасиеті»тақырыбында  кітапханалық сабақ өткізілді. Мейірімділік - адамның өзге біреуге жылылығын, ізгі ниеті мен лебізін білдіру көрінісі. Мейірімділік адамдар арасындағы сыйластық, кең пейілділік, жанашырлық, ізгі ниет секілді қасиеттерге негізделеді.

  Оқушылар бір-біріне жүрегіміз жылылыққа, көңіліміз шаттыққа, жүзіміз қуанышқа толып, бүкіл адамзат баласын жақсылыққа жетелейтін мейірімділік қасиеті сөнбей, әр күніміздің  әдемі өтуіне тілек білдірді. Жақсылықтың жаршысы болуына үндеді.