Жақында мектебімізде «Әкем, шешем,мен және ұстазым » атты спорттық сайыс болып өтті. Оған  мектебіміздің бастауыш сынып оқушылары, ұстаздары және отбасы  мүшелері қатысты.Жарысты ұйымдастырушы,мектебіміздің  дене тәрбиесі мұғалімдері Тлешова Майда Казаловна мен Нугуманов Ержан Сайлауұлы ортаға сайыскерлерді шақырды. Сайыскерлер ортаға шығып ұрандарын айтып, өздерінің отбасы мүшелерімен таныстырып өтті. Сайыстың алғашқы кезеңінде «Достық» командасы үздік шықты. Мұнан кейін кенгуру ойыны, үңгірден өту, қапшықпен секіру, шығыршықтан өту сияқты спорттық ойын түрлері басталды. Ауызбен қасықты тістеп су тасудан «Тарлан » тобы алға озып шықса, шығыршықтан өтіп, допты нысанаға дөп түсіруден «Алау» тобы мергендік танытты. Кедергі арасынан ептілікпен өтіп, шеберлікпен сурет құрастыруда «Тарлан» тобы дараланды. Әділқазылар алқасының төрайымы, мектебіміздің оқу ісі жөніндегі орынбасары Қаңторбаева Шану Ракишевна, тәрбие ісі жөніндегі орынбасары Тойбекова Анар Мухсиновна  жеңімпаздарды атады. Сонымен сайыскер Есуповтар  отбасы үшінші орынды, Рахымжановтар  отбасы екінші орынды, Құнанбаевтар отбасы жүлделі бірінші орынды жеңіп алды. Сайыскерлерді оқу ісі жөніндегі орынбасары Қаңторбаева Шану Ракишевнақұттықтап, алғыс сезімін білдірді. Мектеп ұжымы сайыскерлерге сыйлықтар мен мадақтау қағаздарын табыс етті.