«Адамға ең бірінші білім емес, тәрбие берілуі керек,
тәрбиесіз берілген білім- адамзаттың қас жауы, ол келешекте оның өміріне апат әкеледі».Әрбір ұлттың қай кезеңде болмасын алдында тұратын ұлттық мұрат- міндеттерінің ең бастысы- өзінің ісін, өмірін жалғастыратын салауатты, саналы ұрпақ тәрбиелеу. Болашақ қоғам иелерін жан- жақты жетілген, ақыл- парасаты мол, мәдени- ғылыми өресі озық азамат етіп тәрбиелеу біздің қоғам алдындағы зор борышымыз.
Құқықтық тәрбие Оқушылардың адам құқығы туралы, Конституция міндеттері мен еркіндігі туралы және құқық бұзушыларға ,жауыздық пен зорлыққа деген қарым-қатынас туралы білімді қалыптастырады. Мақсаты: Өскелең жас ұрпақты қоғамның заңдары мен нормаларын бұлжытпай орындау және Ата заңымызды сыйлау рухында тәрбиелеу,мемлкет пен қоғам ісіне саналы түрде белсенділікпен қатысып, өз Отанын әрқашан қорғауға дайын болуға тәрбиелеу; Тәрбиелік міндеттері: -Оқушыларға мемлекет құрылым және құқық, құқықтық нормалар жайында жан-жақты білімдерін меңгерту. - Мемлекет пен мемлекеттік заңдарға құрметпен қарау сезімдерін тәрбиелеу; - Өз іс-әрекеті үшін жауап беру мен мінез-құлқын түсіндіре алу қабілеттерін қалыптастыру; - Жеткіншектердің мінез-құлықтары мен жүріс тұрыстарын заң талаптарына сай қалыптастырып, адамгершілікті әдет-дағдыға тәрбиелеу; - Құқықтық нормалар мен жалпы адамзаттық құныдылықтарын байланысы жайлы түсініктерін қалыптастыру; - Адам құқығын сақтау қажеттілігін түсіндіру қабілеттерін қалыптастыру; - Жасөспірімдердің азаматтық белсенділігін қалыптастыру, заңды бұзушылыққа қарсы күресу; Жасөспірімдер арасында құқық бұзушылықтың алдын алу мақсатында әр жыл сайын айлық іс-шара жоспары жасалынып бекітіледі. Патриоттық тәрбиенің міндеті: - Отанға деген сүйіспеншілігі мен құрметін қалыптастыру; - Ел тарихы мен мәдениетін білу арқылы Қазақстан Республикасының негізгі құндылықтарын зерделеуге көмектесу; - Өз мектебіне, шағын ауданына, қаласына, Республикасына пайда келтіруге ұмтылысы мен тілегін дамыту; - Заңға бағыну және құқықтық сана – сезімін тәрбиелеу; Осыған байланысты мектепте оқушылардың сана – сезімін, ұлттық патриоизмін ояту мақсатында жүргізіліп жатқан шаралар аз емес,теледидар арқылы көрсетілген бағдарламаға мектеп мұғалімдері мен оқушылары қатысты. Елбасымыздың «Жаңа әлемдегі жаңа Қазақстан» жолдауының басым бағыттарына түсіндіру жұмыстары жүргізілді
Мектептегі тәрбиенің мақсаты-ұлттық сана –сезімі оянған, рухани ойлау дәрежесі биік, мәдениетті, парасатты, ар- ожданы мол, еңбекқор, іскер, бойында басқа да игі қасиеттері қалыптасқан азаматты тәрбиелеу.
Бағыты- Ғылым негіздерін оқыту арқылы.
Қазақ халқының дүинетанымы, кәсібі, экологиясы, салт- дәстүрі, қоғамдық ортасы, әдет- ғұрпы, шаруашылығы, ұлттық ерекшелігі.
-Арнайы пәндерді оқыту арқылы.
Отан тарихы, туған өлке тарихы мен мәдениеті, халық ауыз әдебиеті, халық тағылымы, географиясы т.б.
-Арнайы тәрбие арқылы.
Ұлттық педагогика идеяларына негізделген үйірме жұмыстары, іс- шаралар өткізу, кештер, кездесулер, зияткерлік танымдық ойындар, саяхат, экскурсиялар.
Міндеттері–Біртұтас әлем туралы ғылыми негізделген көзқарас қалыптастыру;
-Оқушыларды жалпы адамзаттық құндылықтарға тарту, сол құндылықтарға сәйкес мінез- құлығын тәрбиелеу;
-Баланың ұлттық санасын қалыптастыру;
-Халқына деген құрмет, мақтаныш ұялату, ұлттық рухын дамыту;
-Ана тілін, дінін, тарихын, мәдениетін, өнерін, кәсібін меңгертіп, салт- дәстүрін, мәдени мұраларын қастерлеу;
-Шыдамдылық, жинақылық, намысшылдық, сенімділік мінез қалыптастыру;
-Сұлулықты, тазалықты сүйетін, салауатты, ұлт алдында ерекше істерді атқаруға қабілетті, іскер, білімді, жауапкершілігі мол, текті, алғыр тұлға тәрбиелеу.
Оқушылардың бос уақытын қалай өткізетіндігі туралы сауалнама алынды. Сауалнама қорытындысы мынадай нәтиже берді.
