Қазақстан Республикасының білім және ғылым Министрлігі
Қарағанды қаласының білім бөлімі
«Жалпы білім беретін №36 орта мектебі»КММ
Тарих пәнінің мұғалімі Манахбай Сергей
Ұлы ерлерді ұлықтау ,ұрпақ-парызы
Ұлы Жеңістің 70-жылы кешегі Кеңестер Одағының барлық халықтары қуанышпен қарсы алып жатқан ұлы мерекенің аталып өтіуіне қазақ халқы да жырақта шет мемелекетегі қандастарымыз да лайықты үлесін қосты. Отанымызға аса зор қайғы мен қасірет әкелген ,ананы –жесір ,баланы –жетім,қаншама аға буын өкілдерін қыршынынан қиған ,аяулы аналарымыздың өмірлерін солдырған алапат соғыс.Сондықтан ұлы ерлердің ерлігін игі істерін дәріптеу ұрпақ –парызы және мақтанышы болмақ.Әр майдангер ,бір тарих кешегі қасіретті қырғын соғыс зардабын тартқан майдангерлер мен тыл еңбеккерлерінен естелік болып қалған мұраларын дәріптеп ұрпаққа жеткізсек үлкен өнеге болары анық. Ендеше тарихтың тар жолындағы көне Монғолия даласында Баян-өлгий аймағында ғұмыр кешкен қазақ жұрты болатын. Бұл аймақтың тарихына көз жүгіртер болсақ ,1940 жылы 22 тамызда өз алдына Баян-өлгий аймағы болып құрылған. Игі істердің басы қасында болған менің ұлы атам Жұманнан тараған ардақты Мәлік ұлы Қашқынбай да бар. Осы кезде мемелекеттің бұйрығымен білім-ағарту саласында басшылық қызметін атқарған .1943жылы аймақтық партия комитетінің 1-хатшысы болып тағайындалған . Осы жылдары Кеңес одағы елдерінің иығына түскен соғыс ауыртпалығы .
Елі үшін Алтай аймағының Қосағаш ауданы арқылы табын –табын сиырын, қора –қора қойын айдатып – КСРО астанасына жеткізген Қашқынбай Мәлік ұлы болатын . Нақты деректер бойынша сол сапарда әскер қажеті үшін 400кг таза алтын ,100 000 Америка доллары, 2миллион сом кеңес ақшасы жеткізілді. Сол жылы Калини майданына барып қабырғасында «Баян-Өлгий халқынан» деген жазуы бар танктерді тапсырған . Бұл 1943 жылдың желтоқсаны болатын. Осындай үлкен ерлікке көшбасшы болған И.Сталиннің қабылдануында болып, сол дәуірдің әлемдік тұлғалары болған И.В. Сталин ,Мао –Цзе-Дун ,француз компартиясының көш басшысы Жорж Марше мен пікірлескен.
Кейін Монгол халық республикасының басқарма депутат мүшесі ,ұлы құрылтайдың хатшысы қызметін атқарған . Міне , Қашқынбай атамыздың қазақ халқы үшін жасаған үлкен ерліктері, игі-істері -кішкентай болса да, болашаққа ұрпаққа елін-жерін сүйуге,елінің патриоты болуға тәрбие көзі болар еді. Болашақ ұрпақ - Осындай ұлы тұлғаларымыздың жақсылықтарынан тәрбие ала отырып, оларды ешқашан естен шығармай мәңгі жадында, есінде ұстауы тиіс.
