«ЖАҢА ФОРМАЦИЯ МҰҒАЛІМІ - рухани дамыған әрі әлеуметтік тұрғыдан есейген, педагогикалық құралдардың барлық түрлерін шебер меңгерген білікті маман, өзін - өзі әрдайым жетілдіруге ұмтылатын шығармашыл тұлға. Ол жоғары білімді шығармашыл тұлғаны қалыптастырып, дамыту үшін жауапты» 

(Н.А.Назарбаев, ҚР Президенті)

Қазіргі білім беру жүйесінің мақсаты - бәсекеге қабілетті маман дайындау. Мектеп – үйрететін орта, оның жүрегі - мұғалім. Ізденімпаз мұғалімнің шығармашылығындағы ерекше тұс - оның сабақты түрлендіріп, тұлғаның жүрегіне жол таба білуі. Ұстаз атана білу, оны қадір тұту, қастерлеу, арындай таза ұстау - әр мұғалімнің борышы. Ол өз кәсібін, өз пәнін, барлық шәкіртін, мектебін шексіз сүйетін адам. Өзгермелі қоғамдағы жаңа формация мұғалімі – педагогикалық құралдардың барлығын меңгерген, тұрақты өзін - өзі жетілдіруге талпынған, рухани дамыған, толысқан шығармашыл тұлға құзыреті. Жаңа формация мұғалімі табысы, біліктері арқылы қалыптасады, дамиды. Нарық жағдайындағы мұғалімге қойылатын талаптар: бәсекеге қабілеттілігі, білім беру сапасының жоғары болуы, кәсіби шеберлігі, әдістемелік жұмыстағы шеберлігі.

Бүгінгі таңда ЖАҢА ФОРМАЦИЯ мұғаліміне қойылатын талап та жоғарылады. Жаңа формация мұғалімі деп кімді атаймыз? Жаңа формация мұғалімі – бұл рухани дамыған, кәсіби дағдыланған, жаңалыққа жаны құмар, шығармашыл тұлға. Яғни, өз пәнін терең меңгеріп қана қоймай, білім кеңістігіндегі әр қатысушының орнын көріп, олардың қызметін ұйымдастырып, күтілетін нәтижені көре білуі де керек.

Жаңа формация мұғалімі «Адам-Адам» жүйесінде жұмыс істей алуы керек (мұғалім-оқушы) және оның жұмысы тәрбие жұмысына да (ықпалын тигізуі керек. Мұғалім орындатушының орнына бағыттаушы, ал оқушының деңгейі объекттен субъектке айналуы тиіс.