Бүгін мектеп кітапханасында 3 «в» сынып оқушылары арасында «Кітап мейірімді болуға үйретеді» атты тәрбие сағаты болып өтті. Оқушылар «Мейірімділік дегеніміз не?» деген сұраққа жауап беріп, ақпараттық стендке стикерлерді жапсырды. Берілген ертегі үзінділері мен заттар арқылы ертегілерді тауып, мейірімділік туралы мақал айтты. Ертегілердегі мейірімді кейіпкерлерді атап, берілген буындардан мейірімді болуға қатысты сөздерді құрастырды. Сынып оқушылары ұйымшылдығы мен белсенділігінің арқасында берілген тапсырмаларды тез және дұрыс орындады.