Наурыз меркесіне орай № 56 ЖББОМ 1-9 сынып оқушылары арасында қабырға газеті конкурсы өткізілді. Конкурс жеңімпаздары 19.03.2012жылы жалпы мектептік жиында грамоталармен және сыйлықтармен марапатталды. 19.03.2012 жылы қазақ және басқа да ұлттардың Наурыз туралы жазған өлеңдерін мәнерлеп оқу конкурсы өткізілді. 20.03.2012 ж. Жалпы мектептік «Наурыз-бейбітшілік пен қайырымдылық» атты іс-шара өткізілді, оған 1-9 сынып оқушылары мен ата-аналар және елді мекеннің тұрғындары қатысты. Жоспар бойынша мектеп оқушылары Абай, Ыбырай, Шәмші ауылдарын көрсетті. Мұнда балалар ұлттық: тұсау кесу, бесікке салу, қырқынан шығару сияқты салт-дәстүрлерді көрсетті. Қазақтың ұлттық ойындары өткізілді, оған оқушылар, ата-аналар және елді мекеннің тұрғындары қатысты. Жеңімпаздарға тәтті сыйлықтар үлестірілді.Оқушылар мен мұғалімдер музыкалық өнерлерін көрсетті.  Конкурстың негізгі шарты: Наурыз көже дайындау болатын.Конкурсқа қатысқан ауылдар тек қана Наурыз көжесін дайындап қана қоймай, сонымен қатар қазақтың ұлттық тағамдарын да дайындап әкелген және әр киіз үйде мол дастархан  жайылған. Дәстүрге сай мерекеге келген сыйлы ақсақал   өз батасын берді. Мерекенің қорытындысы шыққанннан кейін тағы да дәстүрімізге сай шашу шашылды.