2023 жылғы 20 мамырда Қарағанды облысының Білім басқармасы, Қарағанды облысында білім беруді дамытудың оқу-әдістемелік орталығы өткізген «Ұрпақтар сабақтастығы» отбасы Фестиваліне «Нұркен Әбдіров атындағы ЖББМ» КММ-нің ата-аналары қатысты. Форум барысында «Әкелер мектебі» жобасына қатысушы білім беру ұйымдарының іс-тәжірибесі көрсетілді.
Аталған жобаның мақсаты - балалар тәрбиесінде отбасы мен әкенің ролін көтеру. Білім алушыларда отбасылық және әлеуметтік құндылықтары қалыптастыру.
Мектепшілік «Әкелер мектебі» жобасына қатысушы ата-аналар Мусалиманов Талгат Кусайнович,Тәжік-ауған соғысы ардагері, «Тәжік-ауған соғысы ардагерлер кеңесі» қоғамдық бірлестігінің Қарағанды облысы бойынша төраға орынбасары, Рымқұлұлы Рахат, Қарағанды облысы Жол патрульдік полициясының кадр саясаты бойынша ротасы командирінің орынбасары, Гицыу Дмитрий Николаевич, газ балон құрылғыларын құру бойынша маман, Маймаков Ерман Арапбаевич, сантехник, Шет ауданы, Төменгі Қайрақты ауылының Хасен Саринжипов атындағы орта мектептің көркем еңбек пәнінің мұғалімі болып қызмет ететін Акбаров Қарпық Болатұлы Форумда өзің қолынан келетін және хоббиі болып табылатын дүниелерін балаларына қалай үйретіп жатқанын көрсетті. «Толағай» отбасылық спорттық сайысқа мектеп ата-аналары атынан Құрбановтар отбасы қатысты. Құрбанов Бекжан мен Құрбанова Сания аталған сайысқа отбасымен, балаларымен қатысып, бірлік пен татулықтың тамаша үлгісін көрсетті. Мектеп өмірінен тыс қалмай, келешек ұрпақтың тәрбиесіне өздерінің зор үлестерін қосып жүрген әкелерге үлкен Алғыс білдіреміз!
«Ұрпақтар сабақтастығы» отбасы Фестивалі-2023
