ҚАРАҒАНДЫ ҚАЛАСЫНДА «ҮЗДІК ЖАС САРБАЗ СЫНЫБЫ-2023» БАЙҚАУЫ ӨЗІНІҢ МӘРЕСІНЕ ЖЕТТІ

2023 ж. 10 наурызында Қарағанды қ. Нұркен Әбдіров атындағы жалпы орта білім беретін мектебінде Қазақстан Республикасының Қарулы Күштерінің 31жылдығы және КСРО Ауғанстаннан шығарылуының 33 жылдығы қарсаңында Қарағанды қаласы білім беру ұйымдарының «Жас Сарбаз» сыныптары арасында қалалық Нұркен Әбдіров Кубогы үшін «Үздік «Жас Сарбаз» сыныбы байқауы өткізілді.

Байқаудың басты мақсаттары:

- өз Отанын қорғауға дайын болу және әскери шеберлік дағдыларын қалыптастыруда жоғары дәрежелерге жету;

- жастарды қазақстандық патриотизм рухында тәрбиелеу және Жас Сарбаз сыныптарының  бастауыш әскери даярлығы мен әскери-патриоттық жұмыстар барысын бағалау;

- оқушыларды ҚР Қарулы Күштерінің патриоттық дәстүрлері және әскер тарихын білуге үйрету;

- отанға деген сүйіспеншілікке тәрбиелеу;

- әскери қызметке үйрететін арнайы білім, білік дағдыларын қалыптастыру;

- еркіндік, батылдық, тапқырлық, достық пен жолдастыққа деген шынайы сезімдерін қалыптастыруға тәрбиелеу және Қарағанды қаласы бойынша «Үздік Жас Сарбаз» сыныбын анықтау.

Конкурсты ұйымдастырушы:

- Қарағанды қаласының білім бөлімі, «Н.Әбдіров атындағы ЖББМ» басшылығы.

 «Үздік Жас Сарбаз» сыныбы» байқауы үш кезең бойынша өтті:

I кезең. Саптық дайындық.

II кезең. Теориялық дайындық (ҚР ҚК жарғысын білу).

III кезең. «Жас сарбаз» би байқауы.

«Үздік Жас Сарбаз» сыныбы» байқауының нәтижесі бойынша  1-ші орынды Н.Әбдіров атындағы ЖББМЖас Сарбаздары,2-ші орынды  №30 ЖББМ Жас Сарбаздары, 3-ші орынды №21 ЖББМ Жас Сарбаздары жеңіп алды.

«Үздік Жас Сарбаз» сыныбы» байқауының қорытындысы бойынша 1 және 2 орын иегерлері 2023 жылдың сәуір айының соңында өтетін облыстық байқаудға жолдама алады.

Барлық қатысушылар атынан Қарағанды қаласы білм бөлімінің басшылығына қатысушылар атынан алғысымызды білдіреміз.

Барлық жеімпаздарды жеңістерімен құттықтаймыз!