Ағымдағы жылдың 07 ақпан күні Н.В.Гоголь атындағы Қарағанды облыстық әмбебап ғылыми кітапханасында қазақтың ұлы ақыны Абай Құнанбайұлының 175 жылдығы мен мұзбалақ ақын М.Мақатаевтың туған күніне орай ұйымдастырылған «Жас өмір, саған өкпем жоқ» атты «Жыр жауһар» поэзия клубының шығармашылық маусымының ашылу салтанатына мектебіміздің талантты, ақындық қабілеттері бар 5 және 6 сынып оқушылары қатысып қайтқан болатын.

Шараға Жыр жауһар поэзия клубының биік белестерді бағындырып жүрген жас қаламгерлері мен ақындары қатысты.

Кеште Қарағанды қаласының Тәттімбет атындағы өнер колледжінің «Кітапхана ісі» бөлімінің студенттері ақиық ақын Мұқағали өлеңдерінен көрініс көрсетіп, әндерін шырқады.

Сонымен қатар, Техникалық-құрылыс колледжі мен гуманитарлық колледжінің студенттері, "Ұлағат" шығармашыл жастар орталығының жастары ат салысты.

Сондай-ақ, мектебіміздің оқушылары салтанатты түрде «Жыр жауһар» поэзия клубына мүше болып қабылдауы өтті.

Қаламыздың өнерлі де талапты жастары ұлы ақынымыз Абайдың, мұзбалақ ақын Мұқағалидың өмірі мен шығармашылығы турасында әңгіме қозғап, өлеңдерін оқып, жиылған қауымға «Жыр-Жауһар» поэзия клубының жұмыстары жайлы мағлұмат берді. Ақындық өнер - сөз өнерінің аса қастерлі саласы, ақын бойындағы шығармашылық қуат пен шынайы таланттың биік өлшемі, ұлттық әдебиеттегі сезім мен сырға толы тамаша поэтик, дәстүр мен ақын шабытының астаса келіп, өлең құдіретінің жарқырап көрінер әсемдік әлемі.

Кітапхана меңгерушісі

Мақпал Жанат