Наурыз мейрамын мерекелеуге арналған жұмыс жоспарына сәйкес 14- наурыз "Көрісу күні" болып аталды. Көрісу күнінде халық қыстан аман-есен шыққанына қуанып, бір-бірімен қол алысады. Таң сібірлеп атысымен, көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міндетті түрде бауырсақ пісіріп, дастарханға тәтті қояды. Отбасының кішілері үлкендеріне қос қолын беріп, көрісіп шығады. Бір–біріне «Бір жасыңмен!» дейді. Ол «Бір жасқа есеюіңмен! Осы жылға аман-есен жетуіңмен!» дегенді білдіреді. Содан кейін әр отбасы көршілерімен көріседі. Жасы кіші отбасы мүшелері жасы үлкен жанұяларға кіріп, көрісіп шығады.Біреуге реніші бар адамдар бұл күні өкпесін ұмытып, ренжіскен адамына кіріп көріседі. Сөйтіп, арадағы суық қарым-қатынастың жібі үзіліп, көрісу күні адамдар бір-бірімен қайта табысады. Таңертеңгі І ауысымнан бастап, мектебімізде көңілді мерекелік қуаныштың белгісін білінді. Себебі 10 сынып оқушылары мен сынып жетекшілері қуанышты көңіл-күймен қарсы алды.  Мұғалімдер мен оқушылар жылы лебіздерін, бір-біріне ақ тілегін білдіріп, қол алысып, біріне-бірі құшағын жайып, қауышты.