Мақсаты:Өзін-өзі тану пәнінің авторы С.А.Назарбаеваның еңбегін таныту. Оқушыларды әдептілікке, сыпайылыққа, қамқорлыққа, татулыққа, сүйіспеншілікке, махаббатты бағалай білуге, жақсылық жасауға тәрбиелеу.

Онкүндіктің салтанатты ашылуы өтті. №41 Ахмет Байтұрсынұлы атындағы мектеп-гимназиясының  кітапханасында «Мейірім төгетін ана» тақырыбында кітаптар көрмесі ұйымдастырылды. Кітапхана меңгерушісі  Жарылгасынова М.У  Сара Алпысқызының өмірі мен  қызметі туралы хабарлама жасап, кітаптар легімен таныстырып өтті.

Тарих пәнінің мұғалімі Сатанов Баянның бастауымен «Жастар өздері тұратын  жердің тарихын білу керек» атты дебат өтті.

Технология мен бейнелеу пәндерінің мұғалімдері :Балапан С,Қойшығарина А.Қ,  Молдаханова А, Жұмажанов А  «Руханилықтың мөлдір бұлағы»атты  суреттер, қолдан жасалған бұйымдар көрмесін ұйымдастырды.

«Алтын жүрек анамыз» атты оқушылардың мәнерлеп өлең оқу байқауы өтті. Байқауға бастауыш сынып оқушылары және 5-9 сынып оқушылары қатысты. Байқау қортындысы бойынша жеңімпаздар анықталып марапатталды.

Музыка пәні мұғалімі Умирбаева О ұйымдастыруымен «Ән-көңілдің ажары» атты  ән байқауы өтті. Ән байқауына 1-7 сыныптар қатысты.

1 "Ә" сынып оқушыларының қатысуымен  «Бауырсақ», «Мақта қыз бен мысық» атты театрланған қойылым өтті. Театрланған қойылым бастауыш сынып мұғалімі Амиртаева М.Н. ұйымдастырылды.

Бастауыш сынып мұғалімі Билялова Б.С. «Өнеге-отбасынан» деген тақырыпта 1 "А" сыныбына өзін-өзі тану пәнінен ашық сабақ өткізді.

Бастауыш сынып мұғалімі Какенова Д.М. «Мейірімділік-асыл қасиет» деген тақырыпта 2 "Ә" сыныбына өзін-өзі тану пәнінен ашық сабақ өткізді.