Біздің мектепте Жаңа жылды тойлау баспалдақ және спорт залының дизайнымен басталды. Сондай-ақ, әр сыныптың мерекені өткізуге дайын екенін айтып өткім келеді. Балалар сынып жетекшілерімен бірге өз сыныптарын безендірумен болды.
Мектеп іші Жаңа жылдық мерекелік атмосфераға толы болды.
27 желтоқсанда жоғары сынып оқушыларына «Жаңа жылдық бал-маскарад» атты дискотека ұйымдастырылды. 29 желтоқсанда Жаңа жылды тойлауға арналған мектеп іс-шарасы өткізілді. Бастауыш сыныптарында таңертеңгілік іс-шаралар ұйымдастырылды. Жыл сайын бастауыш сынып оқушыларына мектебіміз есте қаларлықтай іс-шаралар жасайды. Биылғы мерекелік шаралар балаларды бей-жай қалдырмады. Жаңа ертегі кейіпкерлері, ән, би, көңілді ойындар жаңа жылдық мерекенің сәнін келтірді. Биылғы Жаңа жыл мектебімізде ерекшелігімен есте қалды. Аяз ата мерекелік көңіл-күйді қалыптастырудан және сыйлықтар беруден шаршап, бүкіл әлемге ренжіген күйінде ыстық Африкаға демалысқа аттанады. Осы сәттен бастап қызықты оқиғалар басталады ...
Contacts
