Жазғы каникул кезінде оқушылардың өмір қауіпсіздігін сақтау, жарақаттанудың алдын-алу мақсатында Қарағанды облыстық ТЖ Басқармасымен Қарағанды қаласының білім бөлімінің қатысуымен «Жазғы қауіпсіздік сессиясы» акциясы аясында №36 жалпы білім беретін орта мектепте оқу-жаттығу іс-шаралары ұйымдастырылды. Шараны ТЖБ бас маманы Мусина Раушан Маратовна, ММ «Жедел құтқару отрядының» мед.қызметкері Дроздецкая Надежда Ивановна, «Қызыл жарты ай» қоғамдық қорынынан Абрамова Татьяна Александровна жүргізді. «Жазғы маусымдағы оқушы қауіпсіздігі», «Судағы қауіпсіздік шаралары» «Дәрігерге дейінгі алғашқы көмек» тақырыптарында дәріс оқылып, өрт және су қауіпсіздігі туралы роликтер көрсетіліп, викториналық ойындар ұйымдастырылды. Іс-шара 23.03.2016ж. №36 ЖББОМ акт залында ұйымдастырылып, оған №17, 34, 35, 82, 36 орта мектептердің жазғы лагерьде демалушы оқушылары қатысты. Барлығы – 98 бала қамтылды.