Қарағанды қаласы білім бөлімінің №16 жалпы білім беретін мектебінде 1-4 сынып аралығында 571 оқушы, 5-11 сынып аралығында көпбалалы отбасынан 20 оқушы тегін тамақтандырумен қамтылған. Олардың күнделікті асханадан ыстық тамақпен қамтылуын сынып жектекшілері, әлеуметтік педагог Г.Т. Бакелова және мектеп медбикесі Ж.Р. Нурбекова үнемі қадағалап отырады.
Осы мақсатта 2022ж. 18 ақпанда бракераждық комиссиямен бірге мектеп оқушысы ата-анасының қатысуымен мектеп асханасының санитарлық жағдайы, асхананың жалпы тазалығы, ыдыс аяқтардың тазалығы, азық-түлік сақтайтын қоймалар, қайнату, азық-түліктердің сақталуы мен тұтыну мерзімі талапқа сәйкестігі тексерілді.
Тексеру нәтижесінде шикізаттың жеткілікті қолданылуы, дайын тамақтың оқушыларға таратуға болатындығы және оның сапасының талапқа сәйкестігі анықталды. Сонымен қатар, бекітілген мәзір бойынша дайын ас көлемінің тамақ әзірлігі, азықтардың дұрыс салынуы мен дайын ас шығымы өз деңгейінде екендігіне көз жеткізді. Тәуліктік сынама алу мен сақталу қамтамасыз етілген. Аспазшылардың сырт киімі талапқа сай.
Комиссия жұмысы барысында күнделікті және апталық ас мәзірін салыстырмалы түрде тексерді. Сондай-ақ газдалған сусындар мен фасфуд өнімдерін сату, ас сақтау блоктарында мерзімі өткен азық түлік пен бүлінген тамақ өнімдерінің болуы анықталмады.
Комиссия асхана жұмысын жан-жақты тексеріп, қанағаттанарлық деген шешім қабылдады.