Бүгін Кәусар Оқушылар Сарайында Қазақстан халқының бірлігі күні қарсаңында  тәрбиелік маңызы зор, өте шынайы, жылы кездесу өтті. Іс-шараға  Қазақстан халқы Ассамблеясының мүшелері, ғылым және білім саласында есімдері айшықталған  медицина ғылымдарының докторы, профессор, облыстық еврей  мәдени орталығының төрағасы - Молотов-Лучанский Вилен Борисович, және Қазақстан Республикасының үздік мұғалімі, ұлағатты  ұстаз, Ассамблеяның Аналар кеңесінің мүшесі Күліш Төлеуханқызы қатысты. Іс шара экскурс- сұқбат форматында өтті. Әр үйірме мерекеге әзірлеген өлең, би,  жырларын орындап, құрметті қонақтарға өнерлерін көрсетті. Кездесу  коворкинг  залда  рухани, жылы әңгімемен  аяқталды. Басты құндылықтар, бірлік күнінің маңызы, ұлтаралық келісімнің негізі, өнер, білім, Отан, Отбасы  жайында әңгіме өрбіді.