Желтоқсан айының дайджесті

01.12.22Жаратылыстану-математикалық цикл пәндері бойынша XV Президенттік олимпиаданың республикалық деңгейіне шәкірт дайындаған ұстаздар қауымы 30.11.2022ж. Қарағанды қалалық № 2 оқушылар сарайына саяхат жасады. Директордың ғылыми-әдістемелік жұмыс жөніндегі орынбасары Мұқажан Гүлбану Хамитқызы келушілерді сарайымыздың тарихымен, бөлімдерімен, әр үйірменің ерекшелігімен таныстырды.

01.12.2022жылы №2 оқушылар сарайы базасында «Дарын» мамандандырылған мектеп-лицей-интернатының ұйымдастыруымен этнограф, өнертанушы, әдебиетші, журналист, ҚР Мемлекеттік сыйлығының лауреаты, филология ғылымдарының докторы, профессор Ақселеу Сланұлы Сейдімбектің 80 жылдығына арналған "Әйел – Ана" әдеби ертегісінің желісімен жазылған "Күншуақ елі" атты үш бөлімді әдеби-музыкалық қойылымын өткізді.

04.12.2022жылы №2 оқушылар сарайының "Ай -керім" би үйірмесінің кішкентай бүлдіршіндері Республикалық "Шаг вперёд" атты би байқауында 3-17 жас аралығында  қатысушылар арасында бақтарын сынап қайтты. Байқау қорытындысы бойынша «Веселые зайчики» биімен жүлделі ІІІ орын мен Кабдулла Амира, Бүркітқызы Ханшайым, Бейсен Еркеназ, Кисами Аина, Магадиева Дарья, Ембергенова Нармина, Хамидуллина Ляйсана марапатталды. Сонымен қатар сарай басшысы Алтынбекова Шариза Далабайқызына жоғарғы шығармашылық көрсеткіш және хореографиялық өнердің дамуына қосқан үлесі үшін диплом берілді.

10.12.2022жылы Қазақстан Республикасы Тәуелсіздігінің 31 жылдығы аясында №2 оқушылар сарайында "Ашық есік күні" үш түрлі іс-шараны қамти отырып  өткізілді. Алғашқысы «Буккроссинг» бұрышы ашылды!

10.12.2022жылы Мемлекетіміздің Тәуелсіздік күні аясындағы екінші бағдарламамыз – «Тәуелсіз Қазақстан» атты шебер сыныптар. Бұл күні ата-аналарымыз бен тәрбиеленушілеріміз ағаш бұйымдарын жасады, логопедтік ойындар ойнады, психологиялық тренинг өтті, шеберлік керамика құрастырды, робот жасап көрді, дойбы мен шахматтан бақтарын сынады, математикадан логикасын ұштады, сәндік қолданбалы бұйымдар тікті.

10.12.2022ж. Қазақстан Республикасының Тәуелсіздік күніне арналған іс-шаралар легі «Тәуелсіздікке тарту» атты музыкалық-эстетикалық бағыт тәрбиеленушілерімен ұйымдастырған концертпен қорытындыланды.

            13.12.2022 жылы, 16 желтоқсан – Қазақстан Республикасы Тәуелсіздігінің 31 жылдығына орай, № 2 оқушылар сарайы базасында "САРЫАРҚА ДАРЫНЫ" балаларға қосымша білім беру аймақтық ғылыми-практикалық орталығының ұйымдастыруымен «Сарбаз сахнасы» атты «Жас сарбаз» сыныптарының арасында облыстық әскери-патриоттық байқауы өтті.

14.12.2022жылы №2 Оқушылар сарайында тағы бір кең ауқымды іс-шара – облыстық "Жыл мұғалімі-2022" байқауының ақтық кезеңі өтті. Конкурс педагог кәсібінің мәртебесін арттыруға және мұғалімдердің кәсіби шеберлігін ынталандыруға бағытталған.

16. 12.2022ж.-18.12.2022ж. аралығындаҚарағанды қаласында 2022 жылы тоғызқұмалақтан Қарағанды облысының командалық чемпионаты өтті. №2 Оқушылар сарайының “Сырлы Тоғызқұмалақ” үйірмесінің тәрбиеленушілері Аманжол Мирас және Еркін Ақниет ерлер арасында I орынды иеленіп, “Спорт шеберіне үміткер” атағын орындады. Және қыздар арасында Кәріғұл Айзере, Дюсебекова Кәусар, Дихан Айша және Шарапат Жаннұр ІІ орынды иеленді. Үйірме жетекшісі Кәріғұл Ернұр Саматұлы.

Шолу жасаған: Педагог-ұйымдастырушылар: Тиштық Б.Т. , Абдрахманова С.Б.