20 мамыр күні ZOOM платформасында 5-8 сынып оқушыларына арналған «Жазғы демалыс кезіндегі балалардың өмір қауіпсіздігі» тақырыбында жиналыс өткізілді.
Директордың тәрбие орынбасары А.К.Елеусизова «Жазғы демалыс кезіндегі балалардың өмір қауіпсіздігі» баяндамасында қауіпсіздік ережелерімен таныстыра отырып, қауіпті жағдайлардан сақтана білуге, үй жағдайындағы қарапайым қауіпсіздік  ережелерін, өрт, су, жол жөніндегі сақтану шараларын, ережелерін атап өтті.
Мектеп психологі Ә.Сүлеймен «Интернеттің пайдасы мен зияны» тақырыбында  ғаламторға деген тәуелділікті, пайдасы мен зиянын, қауіп-қатердің келетінін, адамның денсаулығына  әсер ететінін, адам өміріне қауіпті ойындардан аулақ болуын түсіндірді.
Мектеп инспекторы М.Д.Кыстаубаева «Жасөспірімдер арасындағы құқық бұзушылықтың және жол – көлік оқиғасының себептері мен алдын-алу шаралары» тақырыбында құқықбұзушылықтың алдын-алу және болдырмау мақсатында көшеде дұрыс жүріп, жол ережесін, жол белгілерінің атқаратын қызметін, теміржол өткеліндегі қауіпсіздік ережелерімен бөлісті.
Мектеп медбикесі Қ.Г.Бакизова жаз мезгіліндегі жеке басының тазалығын, гигиенасын, өмір сүруі үшін  денсаулықтың құндылығы жайлы , оны сақтай білудің адам өміріндегі маңызына тоқталды.