Желтоқсан айының 6- сы күні №12 жалпы білім беретін орта мектепте география пәнінен 7 «Б» – сыныбында « Гидросфера және оның құрамдас бөліктері» тақырыбында Lesson Study тәсілімен зерттеу сабағы өтті. Ұйымдастыру кезеңінде сол күнгі Қарағанды қаласының ауа-райы туралы хабар жүргізуші оқушы дайындаған «Хабарлама» тыңдалып , психологиялық ахуал қалыптастыру мақсатында хабар жүргізуші оқушыларға көңілді күй,сабаққа сәттіліктер , жағымды тілектер айтты. Сабақ барысында құндылықтарды дарыту ,пән аралық байланыс, тілдік мақсаттар жүзеге асты.

Сабақта «Ой шақыру», « Түртіп алу», « Топтастыру», «Кері байланыс » әдістері пайдаланылды .

Сергіту сәтінде «Мұзарт» тобының орындауындағы «Ұлы дала »әнін тыңдай отырып , әр топ ән мәтінінен жер-су аттарын тауып жарысты . «Bilimland» сайты бойынша тақырыпқа сәйкес бейнефильмдер, сұрақ-жауаптар қарастырылды

Мектеп мұғалімдерінен құрылған топтың қатысуымен А В С деңгейі бойынша оқушыларды зерттеу жұмысы жүрді. Бақылаушылар бақылаудағы оқушылардың сабақтың әр түрлі кезеңіндегі жауаптарын белгілеп отырып,осы кезеңде жоспарланған нәтижеге сәйкестігін немесе одан алшақтығын ескеріп отырды

Сабақты талдау барысында әр оқушының сабаққа қатысу нәтижесі анықталып, қорытындыланды.

Пән мұғалімі Касанбекова Саягуль Ермековна