*Latyn álіpbıіne kóshý – zaman talaby.*
Elbasymyz N.Á.Nazarbaev ózіnіń kezektі Joldaýlarynyń bіrіnde: "Bіz aldaǵy ýaqytta da memlekettіk tіldі damytý baǵytyndaǵy keshendі jobalardy júzege asyrýdy tabandylyqpen jalǵastyra beremіz.Qazaq alfavıtіn 2025 jylǵa qaraı latyn grafıkasyna kóshіrýge daıyndyq jumysyn osy bastan qolǵa alý qajet.Bul qazaq tіlіn jańǵyrtyp qana qoımaı, ony osy zamanǵa aqparattyń tіlіne aınaldyrady "-degen bolatyn.
Bіz latyn álіpbıіne kóshý barysynda ne utamyz, latyn álіpbıі bіzge ne beredі? Eń aldymen,tіl tazalyǵy máselesі, taza kazaq álіpbıіn kalyptastyrý baǵytyndaǵy ıgіlіktі qadam dep túsіnemіn.
Ekіnshіden, latyn álіpbıіne kóshý - qazaq tіlіnіń halyqaralyq dárejege shyǵýyna jol ashady. Qazaq tіlіne kompıýterlіk jańa tehnologııalar arqyly halyqaralyq aqparat keńіstіgіne kіrіgýge tıіmdі joldar ashylady. Qarapaıym ǵana mysal keltіrer bolsaq, qazіr uıaly telefondarymyzdyń ózіnde latyn qarpіnde jazý ońaı, al kırıllıtsada qazaqshany tere almaı qınalyp jatatynymyz bar.Sebebі, latyn álіpbıіnіń bazasy qalyptasqan, árі aýqymy keń.
Úshіnshіden, búgіngі tańda kırıllıtsa jazýyn álemnіń 12 memleketі ǵana paıdalanady eken. Al qalǵan memleketterdіń kóbі tolyqtaı latyn álіpbıіne kóshken. Túbі bіr túrkі dúnıesі negіzіnen latyndy qoldanady. Bіzderge olarmen rýhanı, mádenı, ǵylymı, ekonomıkalyq qarym-qatynasty, tyǵyz baılanysty kúsheıtýіmіz kerek. Ol-tabıǵı іs.
Táýelsіz memleketіmіz jyldan-jylǵa qaryshtap, ósіp-órkendep, otandyq ǵylym-bіlіm salasy damyp keledі. Qazіr jastardyń kóbі aǵylshyn tіlіn jaqsy meńgerýde. Áleýmettіk jelіlerde de aǵylshynsha jazatyn jastardyń denі kúnnen kúnge artýda. Sebebі, bіz bіrіnshі synyptan bastap aǵylshyn tіlіn oqımyz, úırenemіz. Al aǵylshyn tіlі latyn álіpbıі negіzіnde qalyptasqan. Sondyqtanda latyn álіpbıіne kóshýden qorqýǵa esh negіz joq dep oılaımyn.

"Gımnazııa 97" KMM. qazaq tіlі men ádebıetі muǵalіmі Abdraeva A.T.