Қазақстан Республикасы бойынша барлық білім беру ұйымдарында Оқу –ағарту министрлігінің бастамасымен «Төрт тоқсан – төрт өнер» жобасы іске асырылуда.
Жобаның мақсаты: қазақстандық патриотизмді қалыптастыру, ұлттық бірегейлік, әлеуметтік құзыреттілік, білім алушыларды өз халқының мәдени дәстүрлеріне, көпұлтты мемлекет жағдайында жалпыадамзаттық құндылықтарға баулу. Балалар мен жастардың білімдерін шыңдайтын жетістіктерін көрсету.
Жаңа жоба бойынша жаңа оқу жылының І-тоқсаны «Ақындар айтысы» бағытында өтеді.
Айтыс – халық мерекелерінде және жәрмеңкелерде импровизатор-ақындардың топ алдында суырып салып айтылатын поэтикалық сайысы, домбыраның сүйемелдеуімен орындалады.
Қазіргі таңда Қарағанды қаласы «№1 Балалар өнер мектебінде» дайындықтар жүргізілуде. Қазақ халық аспатар бөлімінің Тұрарбекұлы ұстазы, жас маман Мүрсәлім Ақжол оқушылармен импровизация, өз жадынан шығарып дайындық сабақтар өткізуде. Балалар өздерінің шешендік қабілеттерін көрсетуге тырсып жетістікке жетулеріне тілектеспіз, өйткені қазақ халқы ежелден келе жатқан шешендік тапқырлығымен танымал болған.