№46 ОМ базасында «Математикалық   сауаттылықты қалыптастыру. ҰБТ және ОЖСБ-ға дайындық. PISA 2018.» тақырыбында математика  мұғалімдерінің қалалық семинары  өткізілді.

   Семинардың мақсаты: Математикалық   сауаттылықты қалыптастыру,  ҰБТ және ОЖСБ дайындау,  PISA 2018 есептерін  талдау бойынша қала мектептерінің математика мұғалімдерінің өзара  тәжірибе алмасуына жағдай жасау.

           Семинардың басында  мектеп директоры Бажанова Любовь Геннадьевна сөз сөйлеп,  семинардың сәтті өтуіне тілек білдірді.    Өткізілген шараның теориялық бөлімінде әдіскер Аязбекова Гульнур Узакбаева   «ҰБТ, ОЖСБға арналған математикалық сауаттылық  тестілеуінің спецификациясы» тақырыбына презентация көрсете отырып жалғастырды.

     «Өрлеу» АҚ БАҰО филиалы «Қарағанды облысы бойынша педагогикалық қызметкерлердің біліктілігін арттыру институтының» аға оқытушысы  Бигельдинова Бақытжан Нагизхановна «PISA-2018  зерттеуін өткізудің ерекшеліктері» тақырыбына презентация көрсетті, сондай-ақ  PISA форматының  тапсырмаларын шешу бойынша нұсқаулар ұсынды. 

         Семинардың практикалық кезеңінде    №46 ЖББОМ математика мұғалімі Лохматова Елена Михайловна  «ҰБТ дайындау үшін   математикалық сауаттылық» тақырыбына   шебер-класс  өткізді.   Шебер класс практикалық сабақ формасында ұйымдастырылды.  Сонымен қатар, «Альтер»  ЖМ математика мұғалімі Болдырева Любовь Владимировна  дайындаған «Оқушыларға ерекше қиындық туғызатын тапсырмаларды талдау» тренинг барысында ҰБТ, ОЖСБ, PISA есептеріне талдау жасалды.

         Семинар соңында  рефлексия жүргізілді: әр қатысушы өткізілген шараларды бағалап,   стикерге өз пікірлерін жазды.

          Қатысушылар  шараның практикалық бағыты мен өткізу формасын жоғары бағалады.