2018 жылдың  9 ақпанында қалалық білім бөлімінің әдістемелік кабинет жоспарына сәйкес №54 ЖББОМ «Әлеуметтік  серіктестіктің  сапасы» тақырыбында  семинар  өтті. Семинардың мақсаты: қазіргі заманауи білім берудегі ашықтық және жауапкершілік механизмдерін еңгізу.  

Семинарға инклюзивті  білім беретін ұйымдарының үйлестірушілері, педагог-психологтар, дефектолог, логопедтер, «Алданыш» балабақшасының педагогтары, ҚарМУ студенттері мен педагогикалық ғылым кандидаты В.В.Боброва қатысты. 

Семинардың ғылыми – практикалық бөлімі мазмұнды, қызықты, жоспарға сай өткізілді. Аутист балалардың ата-аналар Ассоциациясының баяндамасы әсерлі із қалдырды.  Бұл жобаның мақсаты: ерекше білім беруді қажет ететін балаларды сүйемелдеуде ата-аналардың психология-педагогикалық құзыреттілігін арттыру. Әлеуметтік серіктестік аясында Ассоциация мен педагогикалық ұжым арасындағы «Қолымыздан ұстайық» жобасының жүзеге асырылуы таныстырылды.  

Қарағанды қаласының білім бөлімінің әдіскері Исатаева У.Н. семинар жұмысын қорытындылап, қоғамдық ұйымдармен әлеуметтік серіктестік оқушының өзін-өзі реттеуіне зор үлес қосатындығын атап көрсетті.