№ 37 НМ   базасында  "Білім беру мазмұнын жаңарту жағдайында жаңаша сабақты ұйымдастыру технологиясы"  тақырыбында қалалық  семинар (ЖММ)  өткізілді. Мақсаты: математика және физика пәнінің жас мамандарына жаңартылған білім беру аясында   сабақтарды ұйымдастыру үшін қолдау көрсету.  

      Семинардың теориялық бөлімінде әдіскер Г.Аязбекова презентация арқылы  «Білім мазмұнын жаңарту аясында математика және физика оқу пәндерін оқыту, жаңаша сабақты ұйымдастыру бойынша әдістемелік ұсыныстар берсе, ал практикалық бөлімінде № 37 НМ тәжірибелі ұстаздары Садыков Балтажан Мухамеджанович және  Мочернюк   Анна Николаевна  ашық сабақтар ұйымдастырды. Аталған ашық сабақтар барысында  мұғалімнің көшбасшылық қабілеті ең бірінші сабаққа даярлықтан басталуы, жас ерекшеліктерін ескере отырып, иллюстрация, техникалық құралдарды, дидактикалық материалдарды тиімді пайдалануы,  ширату арқылы - сабаққа деген қызығушылықтарының артуы; жаңа әдіс-тәсілдерді жаңа форматта жоспарлауы, рефлексия, бағалаудың болуы қаншалықты маңызды екенін жас мамандар көре алды.