2017 жылдың 22 қыркүйегінде Қарағанды қаласы М.Жұмабаев атындағы №39 гимназияда «Ұлт болашағы және латын әрпі» тақырыбында дискуссия өтті. Іс-шараның мақсаты – қазақ жазуының латын әліпбиіне негізделген бірыңғай стандартты нұсқасын талқылау арқылы латын әліпбиінің өміршеңдігі туралы қоғамдық пікір қалыптастыру. Іс-шараға академик Е.А.Бөкетов атындағы ҚарМУ профессоры, ф.ғ.д. Рақымов Берік Серікбайұлы, облыстық тілдерді дамыту орталығының аға оқытушысы Жақанова Жұпар Рысқұлқызы, академик Е.А.Бөкетов атындағы ҚарМУ доценті, ф.ғ.к. Айтбаева Бақыт Манаповна және гимназия мұғалімдері мен оқушылар қатысты.
Шара «Ұлт болашағы және латын әрпі» тақырыбындағы дискуссияның мақсат, міндеті жайлы гимназия директорының сөзімен басталып, «Қазақ жазуында қолданылған әліпби» туралы  Ш.Нұржанова хабарлама жасап, О.Сураган оқушылармен жасалып жатқан жұмысы туралы айтып өтті.
Гимназия директоры Ж.Базылдың модераторлығымен латын әліпбиінің қолданысқа енуі жайлы қатысушылар өзара пікір алмасты.
Іс-шара соңында топтық жұмыс арқылы қатысушылар ұсынылған әліпбиді қалай қолданатындықтарын көрсетті. Дискуссия қорытындыланып, латын әліпбиінің өміршеңдігі туралы қоғамдық пікір қалыптастырылды.
Аталмыш шара Бірінші Қарағанды телеарнасында көрсетіледі.